Bag-ong hepe sa LLCPO may pasidaan batok drugas
Aduna unyay mga kausaban sa pagdumala sa peace and order sa dakbayan sa Lapu-Lapu human sa paglingkod sa bag-ong city director nga si PSSupt. Lemuel Obon.
Samtang na-emosyonal ang kanhi hepe sa Lapu-Lapu City Police Office (LLCPO) nga si P/ SSupt. Rommel Cabagnot sa iyang pagpanamilit atol sa turnover of command kagahapon nga gi-preside ni P/CSupt. Debold Sinas, Police Regional Office (PRO)7 director.
Mipasidaan si Obon nga mas pahugtan pa niya ang kampanya batok sa illegal drugs.
Sumala pa niya nga di sila magpanuko sa pagtuman sa balaod ngadto ni bisan kinsa pa ang malambigit sa illegal drugs ug ubang ilegal nga binuhatan.
“If you will violate (ma-involve sa illegal drugs o krimen), you have to face the law,” tipik sa pamahayag sa bag-ong hepe sa city police.
Siya nagkanayon nga sud sa duha ka semana iyang obserbahan ang lihok sa tanang pulis sa LLCPO.
“Kon the same ang ilang enthusiasm and commitment ang ipakita sa akoa, they will remain on their post,” saad ni Obon.
Sa laing bahin, nagpamahid sa luha ug ni-paused sa makadiyot ang out-going city director PSSupt. Rommel Cabagnot samtang nipadangat sa iyang panamilit. Siya miangkon nga sa duha ka tuig niya sa LLCPO, nasuod ug naduol na kini sa iyang kasingkasing.
“I urge all men and women of LLCPO to support your new city director, not only because it’s your duty to do so, but because it is for the good of the city of Lapu-lapu,” mensahe ni Cabagnot sa kapulisan sa Lapu-Lapu City Police.