Social media, posibleng magamit sa pagpang-recruit sa mga terorista

Usa ning social networking sites nga mamahimong gamiton sa mga terorista sa pagpang-recruit.

Tungod niini, awhag sa Philippine Army ngadto sa publiko nga mag-amping kini sa paggamit sa nagkadaiyang social networking sites karon nga halos tanan anaa na niini.

Matod ni Colonel Ignacio Madriaga, Commander sa 302nd infantry Brigade, nga magamit na kini karon sa pagpang-recruit aron mosakop sa mga terorista.

Ug magamit usab kini nga pagpanghadlok o panghulga sa publiko apan dugang ni Madriaga nga magamit na usab kini batok sa terorista tungod kay dali na sila nga ma-trace.

“The good thing is, ang social media as a platfrom for if anything is a two-edged sword kung nagagamit nila yun, nagagamit against them,” dugang ni Madriaga.

Hinuon gipahibawo niini nga ang Philippine National Police pinaagi sa Cybercrime Division niini ug ang National Bureau of Investigation mao ang adunay gahom sa pagtrace niini online.

"Kung advantage din sa kanila yung social media, disadvantage din, lalo na ngayon mas inform na yung ating mga kabataan, mas inform yung ating citizenry regarding dito sa disertive methods at tsaka alam nila yung masaming intent ng komunista sa Pilipinas,” nagkanayon si Madriaga.

Usa ning nahitabo sa Bohol nga gihulagway sa commander nga maayo ang pagtambayayong aron mahipos ang mga terorista.

Tungod kay ang publiko na mismo ang di ganahan og samok, sila na mismo ang motaho sa awtoridad aron di na makapalapad ang komunista sa ilang lugar.

Kahinumduman nga mosobra na sa usa ka tuig ang nakalabay nagubot ang tibuok lalawigan sa Bohol resulta sa pag-abot sa mga bandidong Abu Sayyaf niadtong Abril 2018.

Moabot sa tulo ka mga banca nga gisakyan kini sa mga sakop sa Abu Sayyaf ang midunggo sa Bohol sa sayong bahin sa Abril niadtong milabayng tuig.

Way suwerte ang mga bandidong Abu Sayyaf diin gilangkuban kini sa 11 ka mga tawo kay nahurot sila og kamatay dihang nakigbatok sila sa pwersa sa kagamhanan nga gilangkuban sa militar ug kapulisan.

Napugngan ang ilang tinguha nga mangatake sa Bohol atol sa Semana Santa dihang ang mga tawo na mismo maoy nisumbong sa pwersa sa kagamhanan.