SHOWBIZ NAKURAT SA `TWIST’ SA SONA
Niani og nagkadaiyang reaksyon bisan sa showbiz ang nahitabong kagubot sa Kongreso pila ka gutlo sa wala pa ang ikatulong State of the Nation Address (SONA) ni Presidente Rodrigo Duterte niadtong Lunes, July 23.
Kini human kalit gipalagpot si Pantaleon Alvarez isip House Speaker ug dihadiha kalit giilisan ni Gloria Macapagal-Arroyo.
Usa sa nakurat sa mga panghitabo ang Kapamilya TV host nga si Bianca Gonzalez nga nigamit sa hashtag nga #SHOOKT sa iyang tweet.
Samtang, si Alessandra de Rossi gipaagi sa komedya ang iyang reaksyon: “Taray! May plot twist ang sona. Yung love life natin wala! uwian na!”
Ni-tweet usab si Agot Isidro nga tatawng nasagmuyo sa mga panghitabo sa Kongreso.
“Aaand she’s back. With a vengeance. Just like that, folks. Aminin ninyo, marupok tayo.”
Matod sa Pep.ph nga mao sad ni ang mensahe sa Twitter post sa radio personality nga si Gino Quillamor nga nagkanayon: “Is there a Guinness book of world records award for the most “forgiving” country? Coz if there is, wuhooooo. #PinoyPride”
Ang tweet usab ni Jim Paredes: “The king of the Orks is replaced by Gollum!”
Samtang ang TV host nga si Gretchen Ho maorag naluya sa iyang “This country. Oh this country.”
Si kanhi presidente Macapagal-Arroyo gipaubos niadto sa hospital arrest tungod sa kasong pagpangawkaw. Apan pagsud sa administrasyong Duterte niadtong June 2016, gibasura sa Supreme Court ang kasong plunder ni Arroyo dungan sa iyang kagawasan. /