Parker sakop na's Hornets
Opisyal nang nahimong sakop sa Charlotte Hornets ang four-time National Basketball Association (NBA) champion nga si Tony Parker.
Dili pa lang dugay, gibutyag nang daan ni Parker nga nakahukom siyang mobalhin sa Hornets human sa 17 niya ka mga tuig nga pagduwa sa San Antonio Spurs.
Wala pa’y opisyal nga detalye kabahin sa pagbalhin ni Parker sa Hornets apan gikataho nga nagbalor og $10 million nga molanat og duha ka mga tuig ang kontratang gipirmahan niini.
“We are thrilled to add a player of Tony’s caliber and experience to our roster,” matod ni Hornets general manager Mitch Kupchak.
“We believe his track record of success and playoff resume will add backcourt depth to our roster and veteran leadership to our group. We are excited to welcome Tony to Charlotte and for him to continue his Hall-ofFame career with the Hornets.”
Ang lakang sa 36 anyos nga beterano nakahatag kaniya og kahigayunan nga makig-uban og balik kang coach James Borrego, kinsa dugay na sab nahimong assistant ni Spurs coach Gregg Popovich.
Gikan sa iyang pagkasulod sa Spurs isip 28th overall pick niadtong 2001 NBA Rookie Draft, si Parker nahimo nang usa sa mga lider sa team.
Dako siya’g natabang aron makabira og kampiyunato ang Spurs niadtong 2003, 2005, 2007 ug 2014. Ang sixtime NBA all-star was napil- ing NBA Finals Most Valuable Player niadtong 2007.
Sa iyang pagtapon sa Charlotte, ikauban sab ni Parker ang iyang suod nga higala ug kababayan sa France nga si Nicolas Batum.
Si Parker, kinsa nakatabang sa France aron mahimong kampiyon sa 2013 EuroBasket, igo lang miduwa og career-low 19.5 minutes playing time average sa miaging season.
Niubos ang playing time ni Parker gumikan kay gihinayhinayan pag-umol sa Spurs ang abilidad sa batan-on nilang pointguard nga si Dejounte Murray.
Ang Hornets nagkinahanglan og dekalidad nga pointguard sama ni Parker hinungdan nga nagpaluag sila sa ilang salary cup pinaagi sa pag-trade kang Dwight Howard sa Brooklyn Nets.
Sa 1,198 ka regular-season nga mga duwa ubos sa kampo sa Spurs, si Parker nag-average og 15.8 puntos, 5.7 assists ug 2.8 rebounds matag duwa.