Baroto Regatta, Hinunangan Run malampuson
Parehong nagmalampuson ang makasaysayong Hinunangan Bay Run ug Balik Baroto Regatta nga gipahigayon ning bag-uhay lang sa Hinunangan, Southern Leyte isip tipik sa ika165 founding anniversary sa lungsod.
Gatusan ka long distance runners gikan sa nagkalainlaing dapit sa nasod ang nangapil sa Hinunangan Bay Run nga misubay sa maanyag nga talan-awon sa mismong Hinunangan Bay.
Daghan sab mananagat nga luwan sa ilang maanindot nga mga baroto ang ming-apil ‘Balik Baroto Regatta’.
Tipik kini sa sports tourism sa lungsod diin tinguha niini nga ipakatap ang kasaysayan ug kultural sa Hinunangan.
“I am happy that the present leaders of Hinunangan led by Mayor Reynaldo Fernandez have initiated a week-long activities that our town has made an important place in world history when the American forces made the largest amphibious landing in our shore at Hinunagan Bay during the Battle of Leyte Gulf in
1944,” opisyal nga pamahayag ni kongresista Roger ‘Oging’ Mercado.
Si Mercado ug Hinunangan Mayor Reynaldo ‘Sonny’ Fernandez nagpasalamat ngadto sa kanhi Customs district collector ug regional director sa Ministry of Youth and Sports Development David ‘Kuya Boy’ Odilao, Jr. sa pagpasiugda ning maong mga kalihukan sa paugnat sa kusog.
Sa laing bahin, ang Balik Baroto Regatta nakakuha og atensyon sa Philippine Sports Commission (PSC).
Nagkanayon si PSC commissioner Ramon Fernandez nga ilahang ikonsiderar ang baroto regatta nga ilakip sa sporting events nga i-promote sa PSC.