Mactan police mihatag og mga hinabang sa mga PWD

Mga sakop sa Mactan Police Station sa siyudad sa Lapu-Lapu nanghatag og mgadonasyon sa mga tawo nga dunay kakulian sa ilang panglawas niadtong Biyernes sa buntag.

Duha ka mga wheelchair, usa ka pares sa cruches, tulo ka mga dagkong lata sa biskwit, tulo ka lima ka kilong bugas, tulo ka unlan ug tulo ka plastik sa grocery items ang gipang-apud-apod ngadto sa tulo ka persons with disabilities (PWD) sa Brgy. Pajac ug Brgy. Mactan.

Si SPO2 Lorgina Sayson nagkanayon nga kini ang unang higayon nga nakabuhat niini nga kalihukan.

“First time gyud ni namo nag-donate (wheelchair). Mura lang siya og kanang naabot ra gyud siya," sumala ni Sayson.

Dungag ni SPO2 Sayson nga aduna sila’y nga nagkinahanglan og wheelchair maong sila nakahuna-huna sa pag amot-amot.

“Wala pa’y stock ang barangay mao to naghuna-huna mi mga personnel diri sa Station 2 nga mag amot-amot mi mao to naabot gyud among kwarta para sa wheelchair.”

Gipahibalo usab sa mga kapolisan ang ilang kalihukan ngadto sa kapitan sa barangay Mactan og mi-donate kini og usa ka wheelchair.

Sila si Jomer Tampus,22, taga Brgy. Mactan ug adunay Cerebral Palsy; Noel Claro,29, taga Brgy. Pajac ug adunay Poliomyelitis (Polio); ug si “Nanding” ang mga benepisaryo sa kalihukan.

Emosyonal ug mapasalamaton ang inahan ni Tampus nga si Maria Tampus sa gihatag sa iyang anak siya nagkanayon nga siya dugay nang nangandoy nga magka-wheelchair ang iyang anak.

Si SPO2 Sayson nagkanayon nga si Claro nailhan nila pinaagi sa paginterbyu gumikan kini mi-apply sa PWD membership. Kini ilang gitabangan aron magmalampuson kini sa iyang pagpamembro sa PWD.

Usa ka Senior High Student na unta kini si Claro apan naundang gumikan sa aduna na’y trabaho ang amahan niini ug wala na’y mo baba niini paingon sa tunghaan.

Nagkanayon si Patrick Morales, igsuon ni Claro nga nalipay ug mapasalamot siya nga dili na maglisud ang iyang igsuon kay aduna na kini wheelchair

Ang usa sa mga benepisaryo niini nga naila lang nga si Nanding ang wala makasalmot sa kalihukan gumikan sa maglisod kini sa pagbyahe, apan nagplano ang mga kapolisan nga ihatod ang ilang halad nga crutches sa ilang panimalay.

“We hope na mahimo namong best practice ang in-ani nga activity kay amo namang nasugdan diri ang sharing within sa among station. We hope nga ma-continue namo with the leadership sa among COP nga si Police Chief Inspector Wayne Magbanua.” SPO2 Sayson.

Kini nga kalihukan gipahigayon atol sa pagsaulog nila sa ilang 23rd Community Relations Month nga adunay temang “Tapat sa Serbisyo at Paglilingkod ng Kapulisan, Kaagapay ang Mamamayan hatid ay Kaunlaran.