Kyrie na-infected
Gibutyag ni Boston Celtics’ star player Kyrie Irving nga duha ka buwan siyang nagpaalim human na-infection ang iyang angol sa tuhod.
Si Irving wala na makaduwa sa iyang kuponan dayong sulod sa playoffs sa niaging NBA season human gipaubos sa operasyon ang iyang tuhod niadtong Abril.
Apan karon, malipayon ug iyang gipadayag nga himsog na siya inig balik sa Boston Celtics para sa ilang training camp pagpangandam sa 2018-2019 season.
Niadtong Huwebes, sa interview sa ESPN, gibutyag ni Irving ang iyang kasinatian human sa operasyon.
“I was fighting an infection in a specific place of my body where you can’t necessarily reach with your hands...The metal wiring and the screws that I had in there, the infection was on that, so I had to remove that and then be on antibiotics for about two months,” padayag ni Irving.
Sa miaging tuig, ang Boston mao ang pinakadakong tunok ni Lebron James ug sa Cleveland Cavaliers sa East human kini makakuha sa serbisyo nila ni Irving ug Gordon Hayward.
Apan ang ilang tinguha nga molabni natuman dihang si Hayward nakabaton og dislocated ankle ug fractured tibia, pila lang ka minutos sa iyang unang pagduwa isip Celtic.
Si Irving nag average of 24.4 points, 5.1 assists, 3.8 rebounds kada duwa hangtud nga na injury siya niadtong Marso 11 sa ilang duwa batok sa Minnesota Timberwolves.