Melo mohaom sa Rockets
Gihulagway sa 2017 NBA MVP nga si James Harden nga dili maglisod si Carmelo Anthony sa sistema sa Houston Rockets sa higayon nga makadesider kini nga motapon sa ilang team.
Ang star Rockets nitug-an nga abli kanunay ang ilang komunikasyon ni Anthony diin ang kanhi player sa Oklahoma City Thunder nipadayag sa iyang kaandam pagduwa sa Houston.
Si Melo gi-trade sa Thunder ngadto sa Atlanta Hawks bugti ni Dennis Schroder ug protected pick sa sunod NBA draft.
Gihulagway nga nagsilbing stopover team lang ni Melo ang Hawks apan sa Rocket ang iyang final destination.
Si Harden niingon nga dili lisod para sa team nga gidumala ni Mike D’antoni sanglit siya og si Chris Paul, ang laing star sa Rockets kauban ang coaching staff kanunay mag-estorya para adunay chemistry.
“Someone has to sacrifice to get where we want to go. Everybody in the world knows what Carmelo brings, how gifted and talented he is. He still has a lot more to go. If he comes come to the Rockets, we’ll get the best out of him.” Padayag ni Harden.
Sa niaging season, ang Rockets niposte sa NBA’s best record nga 65-17 diin sila gipilde sa Golden State Warriors 3-4 para sa Western Conference Finals.
Si Anthony nag lisod pagsagol sa Thunder kansang opensa nakatutok kang Russel Westbrook ug Paul George diin siya ang third option.
Si Melo mohaom sa Rockets gumikan usab sa nabakanteng luna nag gibiyaan ni Trevor Ariza nga maoy nagsilbing small forward sa ilang starting five.
Sa pagkabalhin ni Trevor Ariza ngadto sa Phoenix Suns, dako karon og tapakanan ang Rockets sa paghulip sa ilang small forward, puwesto nga haom kang Melo.
Kung mabalik ni Melo ang iyang scoring ug kung mahinayon nga mo balhin ngadto sa Houston din makuban niya sila si Harden og Chris Paul, dako ang porsyento sa Rockets nga mahimong championship continder.