CADUNGOG NAA SA ‘WATCHLIST’

WAY AMBUSH NGA NAHITABO: SINAS

Nalakip sa listahan sa Philippine National Police ug ni Presidente Rodrigo Duterte nga nalambigit sa ilegal nga drugas si Tejero Barangay konsehal Jessielou Cadungog nga mialigar nga gisuwayan pag-ambush ni PO3 Eugene Calumba niadtong Lunes sa buntag.

Giangkon ni P/CSupt. Debold Sinas, director sa Police Regional Office, nga ilang gipaubos sa surveillance ang kanhi kapitan nga karon konsehal sa maong barangay human mi-

lutaw ang pangalan niini.

Matod ni Sinas nga aduna silay lig-on nga impormasyon nga nalambigit sa ilegal nga kalihukan si Cadungog sama sa pagpamaligya sa ilegal nga drugas sa siyudad sa Sugbo.

“We could now declare that he’s on the watch list. We have already verified it with both

the PNPand PRRD,” matod sa pangu sa PRO 7.

Human sa pagpusil patay ni Calumba sa driver ni Cadungog gipasusi dayon sa PRO 7 ang Firearms Explosive Office (FEO) ug nasuta nga adunay 13 ka mga tag-as nga kalibre sa armas nga nakapangalan kaniya.

Matod ni Sinas nga ilang irekomendar sa FEO nga ipa-revoke ang tanang niining lisensya ug kun tugotan sa Camp Crame mahimong itahan sa barangay official ang 13 ka mga armas niini ngadto sa kapulisan.

Pahibaw-on nila ang konsehal kun aprobado na sa FEO ang ilang request pag-pa revoke sa armas sa konsehal. Wa motug-an si Sinas kun unsa kini nga mga armas apan iyang gihulagway nga pulos tag-as ang kalibre niini.

Pabilin sa iyang baruganan si Sinas nga si Calumba nga wa misuway sa pag-ambush sukwahi sa pangangkon sa kampo ni Cadungog.

Matod niya nga tungod sa giingong hulga nga nadawat niini nahimo na kining paranoid nga maoy hinungdan nga namusil nalang kini nga bisan igo lang miagi ang iyang sakop. Migawas na usab ang autopsy report gikan sa PNP Crime Laboratory ug nasuta nga di unta grabe ang igo niini bisan pa man nga natapsingan ang baga sa bala sa 357.

Giingong namatay si Calumba tungod kay nahubas ang dugo nga miawas sa iyang lawas nga kun nadala pa kini sa tambalanan mahimong mabuhi pa kini.

Gipaubos nila karon sa validation ang kuha sa CCTV video nga nagpakita giunsa pag kulata sa mga tawo ang pulis niadtong tungora samdan na sa pagpamusil. /

/ AMPER CAMPAñA ■KASO GIPASAKA: Gihugtan sa pagbantay sa mga personnel sa National Bureau of Investigation (NBI) 7 si Tejero Barangay Konsehal Jesselou Cadungog (nag-itom og baseball cap) ug iyang drayber nga si William Macaslang (nagsul-ob og NBI vest) atol sa...