Cadungog, Macaslang gipasakahan og kaso sa CIDG
Gipasakahan sa kasong
murder ug frustrated murder silang Tejero Barangay Councilor Jessielou Cadungog ug iyang driver/
body guard nga si William Macaslang sa Criminal Investigation and Detection Group (CIDG) 7 sa Cebu City Prosecutor’s Office.
Kini subay sa kamatayon ni PO3 Eugene Calumba ug sa giingong suway nga pagpatay nila sa
police asset nga si Michael Banua nga nagmaneho sa motorsiklo nga gisakyan ni Calumba.
Matod sa acting director sa CIDG 7 Hector Amancia nga tataw ang mga elemento sa murder sa insidente sama sa paggamitoug superior
strength, subay sa pagbangga ni Macaslang sa gimaneho nga motor ni Banua ug ang kalit nga pagpamusil niini kanila, ilabi na kang Calumba.
Niadtong Martes, bugtong si Macaslang lang ang gipasakahan og reklamong homicide sa National Bureau of Investigation nunot sa iyang pag-angkon nga siya ang nakapusil-patay kang Calumba, agi usab ug pagpanalipod sa iyang kaugalingon human matod pa, nisuway ang pulis pagbunot g armas samtang diha duol sa iyang gimaneho nga sakyanan. Gipasabot ni Amancia, nga giapil nila sa pagkiha si Cadungog kay duna silay saksi nga makatudlo nga diha usab siya sud sa sakyanan dihang nahitabo ang pagpamusil.
Sa samang kalambuan, anaa ang presensiya ni Cebu City Mayor Tomas Osmeña dihang gipasakahan og kaso ang iyang kaalyado nga si Cadungog.
Pasi-aw ni Osmeña nga siya ang magsilbing close-in security ni Cadungog ug iya kining protiktahan taliwala sa mga kontrobersiya nga gi-atubang niini sapagkakaron.
Samtang silang Cebu City Vice Mayor Edgardo Labella ug kanhi Mayor Michael Rama nibisita sa haya ni Calumba kinsa gipusil patay sa bodyguard ni Cadungog.
Kauban ni Labella silang konsehal Raymond Garcia, Joey Daluz ug Jun Alcover pipila ka minutos ang nakalabay niabot usab si Rama.
Ang mga opisyal sa dakbayan nisimpatiya sa nahabiling kabanay ni Calumba kinsa subay sa imbestigasyon sa (PRO7) mao ang biktima sa insidente.