Mike, Labella maghiusa sunod eleksyon

Kanhi Cebu City Mayor Michael Rama andam magpapili og posisyon gawas sa pagka-mayor sa sunod tuig nga piniliay kini kon maoy tingog sa mayoriya sa mga dumadapig sa Barug Team Rama.

Ang kanhi mayor nibutyag nga pwede siyang mahimong running mate ni Bise Mayor Edgardo Labella sa higayon nga ang presidente sa PDP-Laban-Cebu City ang suportahan sa katawhan.

“I can sacrifice myself but I cannot sacrifice my dreams for a greater Cebu City and so if it takes me as the founder of Barug Team Rama to do a supreme sacrifice, so be it,” padayag ni Rama kinsa niingon nga mahimo sab siyang magpapili sa pagka-kongresista sa south district.

Ang pamahayag ni Rama mao nga ilang puhagon ang grupo ni Mayor Tomas Osmeña kinsa niadtong tuig 2013, iyang gipukan sa eleksyon apan nabawsan siya paglabay sa tulo ka tuig.

“Primordial for all of us is unity. Unity against a common foe. For we believe that it is one among the ingredients fo form a formidable if not a victorious slate," dugang sa kanhi mayor.

Iyang gipasalig sa katawhan nga di masiak ang ilang grupo inig abot sa filing ngadto sa Commission on Election.

“As I said, October will be the filing of the certificate of candidacy. Barug Team Rama will only field one mayoralty candidate and I am definite about it. May it be Edgar Labella or Mike Rama,” dugang sa founder sa grupo.

Si Labella sa iyang bahin nisuporta sa deklarasyon sa kanhi mayor sanglit ang iyang tinguha alang sa kaayohan sa dakbayan.