PANAGSUMPAKI NAGKAGRABE
Gipabuhagay ni Samahang Basketbol ng Pilipinas (SBP) president Al Panlilio nga opisyal na niyang gipadangat sa Philippine Olympic Committee (POC) ang ilang desisyon nga dili magpadala og representante alang sa 2018 Asian Games nga sugdan karong Agusto 18 sa Indonesia.
Mao kini ang nagsilbeng reaksyon ni Panlilio sa nagkakusog nga panawagan nga bakwion sa SBP ang desisyon niini. “We have formally advised POC of the withdrawal last night,” SMS message ni Panlilio sa Spin.ph. Niadtong Martes, si Philippine Asian Games chef de mission Richard Gomez dayag sa iyang baruganan nga gikinahanglan nga adunay
basketball team nga moduwa ang nasod sa matag upat ka mga tuig nga kompetisyon.
Gipasabot ni Gomez nga ang basketball maoy numero unong paugnat sa kusog sa mga Pinoy hinungdan nga daghan ang nagsunod niini.
Sa sayo pa, ang basketball legends nga sila si Robert Jaworski ug Ramon Fernandez nanawagan sab sa SBP nga usbon ang desisyon niini.
Matod pa ni Gomez nga dili pa ulahi ang tanan gumikan kay sa sunod Miyerkules pa
atol sa delegation registration
meeting pormal nga ipahibalo sa POC ngadto sa Indonesia Asian Games Organizing Committee ang lakang sa SBP.
Daghang tinubdan ang ningpadayag sa Spin.ph nga pipila sa mga sakop sa SBP board ang supak sa desisyon ni Panlilio.
Aduna man tuod opsiyal sa SBP ang mirespeto sa desisyon apan dili ikalimod nga mas daghan ang pangutana nga ningbutho kumpara sa mga tubag.
“Why decide to pull out when everything seemed to be in place,” matod pa sa usa ka SBP board member sa interbyu sa Spin.ph.
“Kung ganun din naman pala, sana wala ng discussion, dati pa nag withdraw na.”
Apan si Panlilio nagkanayon nga angayang undangon na ang binasulay ug kinahanglang barugan na lang ang ilang desisyon.
“Sana let’s stop it na. The decision is unpopular, but we’ve made it already,” dugang text message ni Panlilio.
“My appeal is let’s move forward. Let’s stick together rather than criticize pa. Issues are very complex as you might know.”
Sa miaging semana, ang Philippine Basketball Association (PBA) board mihatag na og pagtugot sa Rain or Shine Elasto Painters nga maoy morepresentar sa nasod alang sa Asian Games.
Misugot na sab ang PBA nga si NLEX Road Warriors coach Yeng Guiao maoy mogiya sa Elasto Painters, nga dungangan og reinforcements aron makakombati og insakto.
Apan pipila ka mga oras human niini, gianunsyo sa SBP ang ilang desisyon nga nakapakurat sa basketball community sa nasod.
“We are accountable for our decisions and everyone sees it, while others would rather stay off the radar,” dason pa ni Panlilio.
“Problem is, if it’s good news, everyone wants to be part of it. But if it’s an issue, they stay away.”/