Britney, dili mohatag og dugang child support
Mao ni ang duha ka mga anak ni Britney Spears nga silang Sean Preston, 12, ug Jayden James, 11, nga anak niya sa iyang ex-husband nga si Kevin Federline.
Nagbuwag sila ni Federline niadtong September 2005 human gihimugso sa pop singer ang ikaduha nilang anak.
Sukad sa ilang pagkabata, si Sean ug Jayden naa sa kustodiya sa ilang amahan sa tinguha ni Britney nga dili madisturbo ang pribadong kinabuhi sa ilang mga anak.
Apan karong bag-o, nidemanda si Federline og mas dako nga child support gikan kang Spears gikan sa $20k ngadto sa $60k ang buwan.
Sigon sa TMZ, si Kevin nisang- at og dukomento sa korte nga taas kuno og lifestyle ang ilang mga anak ug dili makaya sa iyang kita nga $3,000 ang buwan kon itandi kang Britney nga mokita og $34 million kada tuig.
Apan wa mosugot ang 36-anyos nga si Britney kay gawas sa $20k, siya na kuno ang nibayad sa tuition ug uban pang mga kinahanglanon sa mga bata apil na ang sinina, sports ug extra-curricular activities nga mokabat na sa $35k ang buwan.
“Britney Spears’ legal team is about to square off with Kevin Federline’s in an L.A. court, and the central issue is going to be whether Kevin needs additional child support for the 2 kids he had with Britney or whether it’s because he’s trying to get her to support his other 4 kids.”
Sa hearing nila sa miaging adlaw, giingong nisugot si Britney nga patas-an niya ang child support apan kutob ra sa $30k kada buwan, nga gisupak usab sa mga abogado ni Federline. /