2 ka drug dens sa Pajo gidemolis sa tag-iya
Gidemolis sa tag-iya mismo ang duha ka mga barongbarong nga gihimong suyopanan sa mga tiggamitan og ilegal nga drugas sa Sityo Kamanggahan, Barangay Pajo, dakbayan sa Lapu-Lapu kagahapon sa buntag.
Nag-spray usab nga anti-illegal drug reminders ngadto
sa mga strategic location sa maong lugar.
Si Pajo barangay kapitan Junard “Ahong” Chan nagkanayon nga ang iyang mga konstituente maoy miduol sa iyang buhatan kinsa bolontaryo nga nitahan sa ilang kaugalingon ug nisaad nga biyaan na ang maong bisyo.
Duha ka gi-identify nga drug den sa maong lugar ang giguba diin ang tag-iya nga drug
surrenderer maoy nangunay sa pagguba sa maong barong-barong og makita nga aduna pay drug parapherna- lias diha sa sud sama sa lighter ug mga tinapok nga tin foil. Adunay sakop sa Police Station 3, miyembro sa New Life Pajoanon ug mga residente ang misaksi sa maong demolition. “I’m sure there’s a positive impact to this and to replicate to other Sityos,” tipik sa pamahayag ni Chan.
Si Michael Jordan (dili tinuod nga pangalan), 51, nitug-an nga nagumon siya kaniadtong sa illegal drugs ang mitahan sa iyang kaugalingon ngadto sa buhatan ni Chan gumikan sa kabalaka sa iyang seguridad.
Dugang pa ni Chan nga aduna siyay gitahasan nga mo-monitor sa lihok sa ilang mga konstituente ilabi na niadtong mga nibalik sa bisyo ug magtukod og laing drug den sa maong area.
Way rason ang mga lumolopyo dili moabag sa kapulisan sa pagsumpo paghitak sa droga ilabi na nga nag-spray og pahinumdom batok sa illegal drugs nga gilakipan og telephone number sa police station alang sa kasayonsa pag-report niadtong adunay nasayran nga illegal activities.
“Kontra namo ang droga isumbong tika sa pulisya: 0915-5490585,” marka nga gispray sa nagkadaiyang area sa Sityo Kamanggahan.