Aktibista gipatay sud sa PUJ sa Lapu-Lapu City

Giingong sakop sa cause-oriented-group gipusil patay sud sa de pasaheroang multicab kagahapon sa hapon sa dihang gunman nagpakaaron ingnon nga pasahero.

Nakurat ang drayber sa maong sakyanan nga si Rican Sumalinog, 26, sa dihang diha nay armas sa iyang ulohan nga nagpunting ngadto sa laing pasahero sakay sa front seat (passenger side) niadtong higayona.

Ang biktima giila sa Hom- icide investigator sa LapuLapu City Police Office nga si Butch Pagobo Rosales, 42, taga-Sityo Jansen, Barangay Punta Engaño.

Sigun sa mga naka-ila nga usa kini ka aktibista.

Gikompirmar usab kini sa grupong Karapatan, kinsa nitumbok kang Rosales nga sakop sa Rise Up, grupo nga nagbatok sa extra judicial killings.

Tulo ka buto sa armas ang milanog sud sa multicab nga adunay rota nga Punta Engaño, Lapu-Lapu City – Mandaue City hinungdan nga nanglayat ang pasahero gumikan sa kahadlok.

Saysay ni Sumalinog, kinsa nagkadugo sa dihang nasandig ngadto niya ang samaron nga pasahero.

Nalingian pa niya nga nahibilin ang gunman sud sa multicab sa luyong bahin samtang ang tanang pasahero nangambak.

Sigun pa sa mga nakasaksi nga nisakay sa nagpaabot nga motorsiklo sa unahan paingon sa city proper ang wa pa mailhing mamumuno.

Base sa pakisusi nga adunay samad sa ulo si Rosales nga niresulta sa iyang hinanaling kamatayon.

FLOR V. QUERUBIN ■ GIULO: Nag-ubo nga patay na sa front seat sa usa ka multicab nga pasaheroan si Pagobo Rosales, 42, sakop sa grupong Rise Up.