Nilubad og kalit
Dear Noy Kulas,
Tawga lang ko sa pangalan nga Renren, student sa college diri sa Cebu. Natural ra sa same nako og age nga makabarkada, mag-bonding bisan asa.
Akong mga barkada mixed, naay mga lalake ug babaye. Usa sa close nako nga babaye ang source sa akong problema. Ingon ani ang nahitabo, Noy. While nag-overnight mi sa beach, kuyog namo among mga barkada ug iyang uyab. Pero kay nagtrabaho ang iyang uyab ug mo-duty, niuna ni og lakaw.
Kami na lang sa among mga barkada ang nahabilin. Ang uban kay nagdala sa ilang sweethearts. Kami sa akong amiga naglain kay nakasabot mi sa ilaha nga need sila og moments nila. Unya nag-inom-inom mi until nahubog.
Wa ko mag-expect nga mahitabo, but nahitabo gyud. Maora mi og nanginit og kalit while nakakita mi sa among mga barkada with their partners. Nag romance mi and something happened between us. Human ato, wa namo to estoryahe, pero nausban na sab ni sa same situation sa akong amiga.
Nahibung ko nako, Noy, maora na ko og na in love niya. Girl baya kaayo ko, pero pareho sa nagpada nimo og suwat, same akong question, ngano kaha nga naingon ani ko? Unsa may akong buhaton, Noy, aron makalikay na ko? Lainan ko maghuna-huna pero mausab ra gihapon kon naay higayon. Tambagi tawon ko.
RENREN
Ren,
Maglisod ko og tubag anang imong pangutana kon unsay nahitabo nimo kay nagkinahanglan ni og evaluation sa usa ka psychologist o psychiatrist. Bisan gani sila di makadeterminar diha-diha kon unsa. Pareho ra ni sa kaso niadtong tiguwang nga lalake nga nakarelasyon niya ang ilang driver nga wa sab siya kahibawo kon ngano.
Anyway, kon kana rang hitaboa tali niya, basin tungod na sa inyong closeness. Naa koy nabasa nga libro nga naghisgot pareho sa imong sitwasyon, nag-ingon nga usahay dunay mga panahon nga ang closeness sa managhigala nga same og sex, mapunta sa ingon niana nga rare situation. But until nga makaatubang ug ma-evaluate ka og expert, lisod isulti.
Undanga ang inyong panagkuyog og sige kay basin mosangko sa wa nimo paabuta nga feeling alang niya, labina batan-on ka pa. Mao ra nang paagiha nga mapugngan ninyo ang pagbati sa usag usa, kana imong na-feel nga uncomfortable ka.