Dili lehitimo nga anak

Dear Atty. Joan,

Ako diay si Jason, attorney Joan. Minyo kong dako ug Aduna koy duha anak nga nag pangidaron og 14 ug 8 anyos. Ang akong suliran kabahin sa akong sayop nga nabuhat kay nakapabuntis ko ug laing babay sulod sa among kaminyuon sa akong asawa. And edad sa akong anak sa gawas kay 10 anyos.

Pwerting sukua sa akong asawa pagkahibaw niya nga aduna koy anak sa gawas. Pero sa akong hunahuna, importante nga naa sa maaayong kahimtang ang akong anak sa gawas. Ganahan ko nga i-adopt ang akong anak sa gawas pero dili mosugot akong asawa, attorney. Makahinumdum kuno siya sa akong pagpanglimbong kaniya. Tabangi ko attorney. Daghang salamat.

Jason Jason,

Maayong adlaw kanimo Jason. Gitugot sa atong balaud ang pag adopt og usa ka illehitimong anak pero kailangan niani ang pagtugot sa iyang asawa/bana. Ang Republic Act No. 8552 nga gihingnanlan og “Domestic Adoption of 1998” naga-giya kanato ug unsay pama-agi sa pag adopt.

Ang maong balaud gikinahanglan ang pag uyon sa adapsyon sa mga myembro sa pamilya.

Pagkahuman ug pagpasabot sa unsay mahitabo kung mo uyon sila sa adapsyon, gikinahanglan ang kasulatan sap aguyon sa mga maong tawhana: Ang bata nga i-adopt nga nag pangidaron ug 10 anyos ug pataas, ang tinoud nga ginikanan nga adunay kostodiya sa bata, ang anak sa mo adopt nga nagpangidaron ug 10 anyos ug pataas, ug ang asawa / bana sa mo adopt.

Nagpasabot kini nga kinahanglan na sugot ang imong asawa nga imong I adopt ang imong anak sa gawas. Dili lang ang imong asawa kung dili apil nasad ang ang sugot sa imong anak nga 14 anyos. Gawas pana sa pag tugot sa imong napaangkan ug sa bata nga imong adapon kay 10 anyos naman kini gikinahanglan usab ang iyang pagtugot.

Ug tinoud nga dili mo sugot ang imong asawa, nag ingon ang balaud nga dili ka maka adopt sa imong anak sa gawas kay gikinahanglan ang pag tugot sa imong asawa para sa kaayuhan sa bata.

Daghang salamat, Jason.

Atty. Joan