NAT’L TRIATHLON SA NAGA, OCT. 7
Sa unang higayon, ang City of Naga mo-host sa National Age Group Triathlon (NAGT) 2018 karong Oktubre 7.
“We want to bring better standards of triathlon here in Cebu. We want to be better or on the same level with the top triathlon organizers. We will try to give the Philippines international race standards,” matod sa usa sa nagpasiugda nga si Paul Jake Castillo atol sa press conference kagahapon sa Grillers Steakhouse.
Gipasiugdahan sa TSE Live Inc, ang kalihukan nakigkumboya sa Triathlon Association
of the Philippines (TRAP) nga gipangulohan ni Tom Corrasco.
“When we went to Naga, we saw the road, the boardwalk, the sea, it was perfect standard distance race,” matod ni Tonyson Lee. “The road is perfect, it’s a perfect bike route, that means there’s no problem with the run. When we saw Naga we fell in love with the place.”
Iyang gibutyag nga gihangop ni Naga City Mayor Kristine Chiong ang maong kompetisyon sanglit mahimo usab kining kabahin sa kasaulogan sa kapistahan sa siyudad.
Una man tuod ning higayon nga mo-host og triathlon ang Naga, apan si city administrator Arthur Villamor mipasalig nga ilang buhaton ang tanan nga makatabang sa organizers aron maglampuson ang maong kalihukan.
“Naka-host na ta og mga dagkong sporting events. Pero kini lahi ni nga level ug excited kaayo ta ani. Mosuporta gyud ta sa organizers,” padayag ni Villamor.
Aron paghatag og kahapsay, gilimitahan lang ngadto
sa 400 ka mga partisipante. “We will never sacrifice quality over quantity,” ingon ni
Carrasco.
Ang maong kalihukan aduna tulo ka standard nga rota. Motadlas kini sa 1.5-km nga langoy, 40-km nga biseklita ug 0-km nga dagan nga abli alang sa Elite Open, Age Groups, Team Competition ug Relay. /