P2.5-M NGA SLP FUND SA DSWD 7 GIAPUD-APUD NA
Kapin P2.5 milyones ang gipang-apud-apod na karon sa Department of Social Welfare and Development (DSWD) 7 isip hinabang ngadto sa mga nipahimulos sa Sustainable Livelihood Program (SLP) sa ahensiya.
Ang maong kantidad gitunol ngadto sa 11 ka mga bagong accredited associations sa duha ka mga barangay sa dakbayan sa Sugbo.
Naglangkob kini sa 223 ka mga indibidwal gikan sa Ba- rangay Sawang Calero ug Mambaling.
Ang tulo ka mga SLP associations sa Mambaling mao ang Puntod Alaska Rag Makers, Sitio Tugas Native Delicacy Operator SLPA ug Avocado Barbaque Vendors SLPA diin nakadawat kini og P230,000; P270;000, ug P140,000.
Alang sa Barangay Sawang Calero nakadawat usab ang walo ka mga SLP associations sa livelihood assistance diin nalakip niini ang Sawang Dried Fish Vendors SLPA nga nakadawat og P210,000; Sawang Blk 6-A Fish Vendors SLPA nga nakadawat og P280,000.
Ang Sawang Blk 7B Buwad Vendors SLPA nakadawat usab og P280,000 samtang ang Sawang Blk 7 Hipon Producer SLPA nakadawat og P230,000; Sawang Blk 5 Buy and Sell Retailer SLPA nga nakadawat og P300,000.
Sawang Blk 1-A Food Vendors SLPA nakadawat og P130,000 diin anaa kini sa ilang food vending business; Sawang Blk 4 Entrepreneurs SLPA ug Block 5 Sawang Sari-sari Store Proprietor's SLPA parehong nakadawat og P220,000.
Ang SLP usa ka programa sa DSWD diin alang kini sa mga kabus nga gusto nga magnegosyo o aduna na'y negosyo nga gusto makakuha og laing pundo sa pagpalapad sa operasyon.