Savings program sa Pag-IBIG

Giawhag karon sa opisyal sa Pag-IBIG ang mga miyembro sa maong ahensiya nga mopahimulos kini sa ilang bag-ong savings program.

Ang Modified Pag-IBIG II Membership Program, bagong programa alang sa mga miyembro sa maong ahensiya gawas pa kini sa naandan nga binuwan nga gikuha sa trabahante nga mo-mature ini'g ka 20 ka tuig.

Matod ni Jovelita Custodio, ang Area Head sa Sourh Central Visayas sa Pag-IBIG nga voluntary kini ug sa ubos nga P500 matag buwan mamahimo nga moapil niini ang publiko tungod kay lima ka tuig lang ang maturity niini.

Bisan pa man og pila ang binuwan nga income sa usa ka miyembro ug gusto niini og laing savings, mamahimo kini nga moapil.

Dugang ni Custodio nga angay kini sa mga pensionado o retirees na tungod kay abli kini bisan kanila.

Hinuon, gipahibawo sa PagIBIG nga kon molapas na sa P500,000 ang ilahang ibayad isip savings, kinahanglan na kini i-personal o usa ka manager’s check.

Kining MP2 nga ubos sa bag-ong guidelines makapahimulos kini sa flexible nga dividend rates nga mas dako sa Pag-IBIG I.

Kon maabot na kini og lima ka tuig, mamahimo nga mag-annual dividend payout ang miyembro.

Lahi usab kini account number sa naandan nga account number isip empleyado aron dili kini makalibog tungod kay mamahimo man nga ikaltas kini sa payout apan kailangan nga irehistro kini sa parehong Pag-IBIG ug employer.

Ubos sa bag-ong MP2 Saving, mamahimo na ang pre-termination kini kon emergency kini susama sa mga sakit, mamatay, retirement, mo-migrate, ug uban pa.

Ang miyembro nga ubos sa MP2 makadawat kini sa iyang Total Accumulated Value (TAV) human sa lima ka tuig nga membership term niini.

Gibutyagi ni Custodio nga usa ka tricycle driver ang nideposito nila og P1 milyon ubos sa MP2 busa nidasig siya sa tanan pag-apil sa bag-ong tanya sa ahensiya.