Daghang mangamatay ubos kang Supt. Patay?
Daghang mangamatay ubos kang Supt. Patay?Usa ka pulis nga sharpshooter ang milingkod isip bag-ong director sa Criminal Investigation and Detection Group (CIDG) sa Central Visayas. Siya mao si Supt. Lito Patay, kinsa classmate ni Cebu City Police Office (CCPO) director Senior Supt. Royina Garma sa Philippine National Police Academy (PNPA).
Ang gikabalak-an sa katawhan mao ang record ni Supt. Patay sa dihang nadestino siya isip hepe sa Batasan Station sa Quezon City diin 108 ka mga tawo ang napatay sa iyang anti-drug operation sud sa usa ka tuig, gikan sa Hulyo 2016 ngadto sa Hunyo 2017 . Nasayran nga ang iyang mga sakop sa maong anti-drug operations mao ang 10 ka mga tawo nga nagtawag sa ilang kaugalingon og “Davao Boys.” Iyang gipahibawo nga kontra kaayo niya ang mga tawo nga malambigit sa iligal nga drugas.
Daghang reaksiyon sa video ni Presidential Communications Operations Office (PCOO) Assistant Secretary Mocha Uson kalabut sa Federalism nga nag-viral sa social media. Kadaghanan misaway sa kabulgar ug kabastus sa maong video.
Alang kanako gikinahanglan nga ang himuong tigpamaba sa Consultative Committee (ConCom) mao ang usa ka tawo nga adunay halapad nga kasayuran kalabut sa Federalism. Bisan kon ang tumong ug tuyo sa ConCom mao ang pagpasabut sa ilang gipanday nga draft sa charter change gikan sa unitary nato nga panggobiyerno karon ngadto na sa Federal apan anaay daghan unyang pangutana ug proposal gikan sa katawhan, labi na sa mga kongresista ug mga senador, alang sa ilang gituhoang labing maayong sistema sa panggobiyerno nga angayang tubagon sa tigpamaba .
Hapit na gayud ang filing sa certificate of candidacy (COC) sa mga buot mokandidato sa May 13, 2019 elections. Sa pagka-karon daghan nang gitawag og “political butterflies” ang buot na mobali sa laing political parties. Ang kadaghanan sa mga pulitiko nagsigi nag hangad aron madawat sa Hugpong ng Pagbabago (HNP) ni Davao City Mayor Sara Duterte Carpio, anak ni Pres. Duterte.
Bisan ang mga sakop sa Partido Demokratiko Pilipno – Lakas ng Bayan (PDP-Laban) nga mibutar kang Gloria Macapagal Arroyo buot usab mobiya sa maong partido ug mobalhin sa Hugpong o kaha mobalik sa Lakas-NUCD. Nahadluk sila nga tingali og dili pirmahan ni kanhi house speaker Pantaleon Alvarez, nga maoy secretary-general sa PDP-Laban, ang ilang COC. Kon matinuod ang ilang kahadlok, tingali og magkabangga ang mga mokandidato sa PDP-Laban.
Apan ang anaay dakung problema mao mismo si Alvarez tungod kay sila si Mayor Duterte ug Kongresista Antonio Floirendo, Jr. maoy mokampanya alang sa iyang makaatbang sa iyang distrito sa Davao.