KINGS ANG NAGHARI
SA panagtigi tali sa usa ka conference diin ang gitas-on maoy sukdanan, ang Barangay Ginebra maoy miguwang malampuson.
Kini human nga ilang gibuntog ang giingong super team sa PBA nga mao ang defending champion San Miguel Beer sa laing makabungo’g nga kadaugan, 93-77, sa Game 6 sa PBA best-of-seven finals sa PBA Commissioner’s Cup nga nagpupos sa serya,3-2, sa Mall of Asia Arena niadtong Miyerkules.
Atubangan sa mabagang dumadapig, ang labing mubo nga import sa komperensiya nga si Justine Brownlee mipamatuod sa iyang ang labing taas sulod sa korte diin iyang giduslitan ang rally sa Kings sa third quarter nga maoy nahimong likuanan sa ilang kadaugan.
Miabag kang Brownlee si Scottie Thompson kinsa maoy nahimong most valuable player (MVP) sa finals.
Nagsugod og kabangis ang Ginebra sa ikatulong kanto diin nakaposte kini og 20 puntos kapin ug wa na kini molingi pa.
Ang 4-2 nga kadaugan sa Kings sa finals naghatag sa Ginebra sa ilang unang titulo sa Commissioner’s Cup sukad niadtong 1997 ug ikaduhang titulo sulod sa tulo ka conference.
Mao usab kini ang ika-21 nga kampiyonato ni coach Tim Cone ug ika-11 alang sa Ginebra.
Si Brownlee, 6-4, mipakatap og 31 puntos ug 19 ka rebounds samtang ang 6-1 nga Thompson milangkat og 13 ka rebounds nga gidugang sa iyang 12 puntos.AS tough of a pill the loss is to swallow, a somber June Mar Fajardo acknowledged that this time, Ginebra was the better team.
Sakit man tuod ang kapildihan, apan alang sa Sugboanong higanti nga si June Mar Fajardo ug sa San Miguel nga naghatag kini kanila og dakong leksyon.
“Masakit,”matod ni Fajardo sa dihang gikahinabi sa Spin.ph. “Ine-expect namin na mag-champion kami. Nakakalungkot, pero yun nga, di mo naman maipapanalo ang lahat. Last conference, masaya kami kasi nag-champion kami. Siguro this time, para sa kanila talaga. Tanggapin natin.”
“Nandoon naman yung effort. Nagmintis lang talaga kami ng marami, may mga lapses din kami,” Part din naman ng game yun at kailangan lang namin matutunan yun. Lesson learned ito na natalo kami,” dugang sa lumad nga taga Pinamungajan.
Mao usab kini ang gibati ni coach Leo Austria kinsa miingon, “You win some, you lose some. This could serve as a wake-up call for us because of the hype. Sinasasbi nga na we’re a strong team then all of a sudden, there’s another team that’s emerging as playing better than us.”