250 ka mga batan-on nagkatapok alang sa IYD

Sobra sa 250 ka mga kabatan-unan gikan sa nagkadaiyang dapit sa dakbayan ug lalawigan sa Sugbo ang nitambong sa kalihukan sa National Youth Commission (NYC) alang sa pagsaulog sa International Youth Day (IYD) didto sa Cebu Grand Hotel, dakbayan sa Sugbo kagahapon.

Ang mga batan-on nga nitambong sa kalihukan naggikan sa nagkadaiyang sektor nga gilangkuban sa mga outof-school youth, mga tinun-an, mga bantan-on nga adunay espiyal nga panginahanglan, Sangguniang Kabataan (SK) officials, youth volunteers ug uban pa.

Ang IYD maoy culminating activity sa Linggo ng Kabataan ning tuiga.

Matod ni NYC Assistant Secretary Paul Pangilingan, chairperson sa IYD ug LNK 2018 National Organizing Committee nga lahi ang pagsaulog sa IYD karong tuiga kompara sa nilabayng mga katuigan.

“We conceptualized a program that is more fun so that the youth will appreciate the activity even more,” matod ni Pangilinan.

Nasuta ning mantalaan nga ang kalihukan nga gihimo sa Sugbo dungan sa laing unom ka mga dapit sa nasud.

Laing mga kalihukan sa IYD ning tuiga gihimo didto sa mga dapit sa Binan, Iriga, Dagupan, Iloilo, Zamboanga ug Iligan.

Ang tema sa kasaulogan karong tuiga mao ang “Safe Spaces for Youth” nga nagtinguha nga mapaambit sa mga kabatan-unan kung unsa ug asa ang mga luwas nga lugar, mahibaw-an ang mga perspektibo sa mga bantan-on sa “safe spaces”, ug pagpasiugda sa mga SK sa ilang papel sa panggobyerno ug isip maoy lider sa pagsigurado ug paghatag og luwas nga dapit sa mga kabatan-unan.

“Be a ‘safe space’ sa inyong kapwa Pilipino. Don’t judge, mock, and bully. Let us be sensitive to give safe spaces in our youth and fellow Filipinos. Help the National Youth Commission provide safe spaces for youth,” tipik sa mensahe ni NYC commisioner Asec. Rhea Piñaflor ngadto sa kabataan nga nisalmot sa maong kalihukan tibuok adlaw gahapon.

Sa iyang speech, gihisgutan sab ni Piñaflor ang resulta sa National Youth Assessment Study (NYAS) 2015 diin nigawas nga 26 porsyento sa mga kabatan-unan nagtuo nga way bili ang pagpapakabuhi.

“And gusto natin ay 0 percent yun. Do not take that life is not worth living, that is why today is an interesting day. Today is a day that you have to do something kase kayo kailangan na may na-contribute kayo na ma-zero na itong 26 percent. Always think before tayo magsalita, before tayo mag-comment at kung pwede ang ating positivity ang ating ibigay sa kapwa nating kabataan,” dugang niya.

Ang IYD saulogon matag Agusto 12 base sa UN Resolution 54/120 sukad Disyembre 17, 1999.