Katawhan ‘passive’ sa mga patay karon?

Namatikdan nako nga sama sa passive lang ang katawhan sa nahitabong sunodsunod nga kasong patay karon. Moingon lang, nganong mahadlok

nga nagtinarong man kita. Ang mahadlok ning panahona mao kadtong dunay binuhatan nga dautan ug tago nga kalihokan sama sa pagpayuhot sa gidiling drugas.

Apan, si Cebu Archbishop Josel Palman nikondenar sa nahitabong patay ug nipadayag sa pagtumaw sa ‘culture of impunity’ o pagka passive sa katawhan sa mga panghitabo sa palibot tungod sa kahadlok o pagdawat na lang bisan nasayod nga sayop.

Kaniadto, ang katawhan dali lang matapok sa rali ug pagkondenar sa kagamhanan apan karon dili kaayo ini kasibot ang mga martsa-rali.

Sa Sugbo, ang mga walhon dayon ang mohimo og kalihokan apan pwerteng gamay lang. Murag nasumhan na sa parehong estilo sa protesta gikan pa sa panahon sa diktadoriya ni anhing Presidente Ferdinand Marcos.

Tungod niini, bisan usahay dunay unod ang ilang paglusad sa kalihokan sa pagprotesta, dili na epektibo sa pagkabig sa mga tawo. Napuno na hinuon sa pagsuway. Pero, mas maayo nga naa lang pud ni sila sa kontroladong pwersa para dunay moutingkay sa gibuhat sa gobiyerno.

Para nako, sama sa nahimong passive ang katawhan human kadaghanan sa gipangpatay dunay kalambigitan sa paglambo sa negosyo sa gidiling drugas, butang nga makadaut sa utok sa tawo. Nasuta nga nag-aghat sa mga ngilngig nga krimen.

Sa pagkatinuod, daghang nalipay sa tago sa komunidad nga daghang adik nga hadlok labi na sa gabii nga makagbo nimo ang mga siga og mata ug nagkagot nga ngipon sa kaadik.

Karon medyo arang-arang na lang. Nangahadlok.