Brownlee gusto nga ma-naturalized

Mipadayag ang import sa bag-ong PBA Commissioner’s Cup champion nga si Justine Brownlee sa iyang tinguha nga mamahimong naturalized citizen sa nasod.

“I wish,” matod niya atol sa fans’ day sa Ginebra fans’ sa Metrotent Convention Center sa Pasig kagahapon sa hapon.

Ug posibli kining mahinayon tungod kay mismong ang governor sa Ginebra nga si Alfrancis Chua hugot nga misuporta niini ug andam nga mopalihok alang sa mga dokumento.

“Brownlee loves the Philippines. He told me many times na kung matapos siya ng paglalaro, he wants to stay in the Philippines and he wants to be naturalized,” matod ni Chua. “To make the long story short, he loves the Philippines and he wants to stay here for good.”

Gibutyag ni Chua nga permi kining isulti ni Brownlee ngadto kaniya ug ingon man ngadto sa bigboss sa San Miguel Corporation (SMC) nga si Ramon S. Ang. Iyang gipasalig nga ang SMC group hingpit nga motabang sa kanhi standout sa St. John.

“He wants it. Kaya sabi ni boss RSA, kung tapos ka na maglaro, we’ll give you a job right away,” dugang sugilon ni Chua.

“Sinasabi niya pwede siyang magka-bahay dito, parang Norman Black o ibang import dito na napamahal sa Pilipino at sa Pilipinas.”

Apan giklaro ni Chua nga kuli kaayo ang kahigayonan nga makaduwa si Brownlee sa Gilas tungod kay sa iyang height nga 6-5, dili kini haom sa gipangita sa Samahang Basketbol sa Pilipinas (SBP).