Caindec nipasaka og reklamo batok Tomas sa Office of the President
Nipasaka og reklamong administratiba ang regional
director sa Land Transportation Office (LTO) 7 batok ni Cebu City Mayor Tomas Osmeña nunot sa kontrobersyal nga executive order sa mayor nga i-impound ang mga sakyanan og 30 ka adlaw kon masakpang mo
counterflow sayo ning tuiga. Matod ni LTO 7 Director Victor Emmanuel Caindec
nga napasaka na niya ang reklamo ngadto sa Office of the President niadtong Lunes.
“It’s not just the matter of nullifying the EO 034, it’s a matter of determining if there’s a culpability of the mayor in executing an executive order without proper basis,” matod ni Caindec sa dihang nahinabi sa mga tigbalita. Dugang niya nga “abuse of authority” sab ang gihimo ni Tomas sa pagluwat sa maong EO.
“Being the director of LTO in the region, we feel that there’s not efficient authority in terms of how the EO was structured and the implimentation of the
EO itself,” paambit ni Caindec. Sigun niya nga medyo komprehensibo ilang reklamo batok ni Tomas maong nalangay kini tungod sab ilang pag-research sa mga impormasyon nga gilakip sa reklamo.
Padayag ni Caindec nga gipasaka nila sa Office of the President ang reklamo tungod kay mayor si Osmeña.
Giklaro ni Caindec nga di babag iyang buhatan sa bisan kinsang local government unit nga mopatuman og disiplina sa mga konstituwente niini sa mga butang nga naglambigit sa trapik.
“But it has to be done with proper authority. Now, if we do not file it, we cannot establish the proper juris prudence. I’m not saying I’m right, I’m not saying he’s right. That’s why we filed it to the Office of the President so that they can determine whether, in their opinion, whether the EO is fair or not,” dason ni Caindec.
Nagtuo si Caindec nga kon moluwat na og opinyon ang Office of the President kalabot sa reklamo, makwestyon sa korte ang proseso sa pagluwat sa EO 34.