RP 5 NANGANDAM NA BATOK KOREA
Human sa kulbahinam nilang kapildihan batok sa China, 80-82, sa 18th Asian Games sa Jakarta, Indonesia, ang mga sakop sa Philippine national team nakighugoyhugoy sa grupo sa Filipino migrants kagahapon nga nagdalit sa mga sakop sa team og lamiang mga pagkaong Pinoy.
Gituohan nga ang maong salosalo makapahupay og gamay sa sakit nga nasinati sa mga sakop sa Philippine team sa pagpakigbatok niini sa powerhouse China.
Apan alang kang national coach Yeng Guiao, iya na kining gipadaplin ug nagtutok na siya sa unahan diin nalantawan nga ikaharong nila ang South Korea sa pagsugod sa knockout stage.
Nakasuweto na kaayo si Guiao sa puwersa sa South Korea ug kinahanglang pangandaman kini nila’g insakto. Ang Koreans makonsiderar nga higpit nga karibal sa mga Pinoy kon basketball ang hisgutan.
“Korea has a different system. Hindi sila nagri-rely sa malalaki nila,” pasabot ni Guiao. “They
rely on ball movement. We have to prepare for their quickness.”
Ang Koreans adunay naturalized player nga si Ricardo Ratliffe, kanhi import sa Philippine Basketball Association (PBA).
Apan gitataw ni Guiao nga wala ra siya nabalaka sa presensya ni Ratliffe basi sa ilang scouting.
“Our familiarity with Ratliffe will save us some time on the scouting report, but Korea is more than Ratliffe,” pasabot ni Guiao.
“Korea is more of a team game. They move the ball around. If you lose your focus, if you lose your patience, that’s the time you break down on defense. I guess those are the things that we have to plan against Korea.”
Hinuon malaumon si Guiao nga kon mapagawas sila og duwa sama sa ilang gipakita batok sa China nga hapit nila mapilde sa miaging gabii, hayan dako ang ilang poruhan nga mabuntog nila ang Koreans.
“If we play with the same effort just like what we’ve shown against China, tingin ko kaya natin ang Korea,” asoy ni Guiao.