MGA TAGA PDEA NAGPA-DRUG TEST
Dul-an sa usa ka gatus ka personnel sa Philippine Drug Enforcement Agency (PDEA) 7 ang gipaubos sa kinalit nga mandatory drug testing kagahapon sa buntag kini human miluwat og pamahayag si President Rodrigo Duterte nga daghang mga adik nga mga sakop sa PDEA sa Sugbo.
Lakip sa gipa-drug test ang mga ahente sa PDEA nga nadestino sa lalawigan sa Bohol, Negros Oriental ug Siquijor nga gipangulohan mismo sa ilang Acting Regional Director nga si Wardley Getalla.
Moabot sa 96 ka personnel ang PDEA 7 apil na niini ang mga naa admin department nga gipaubos usab sa drug test.
Nagnegatibo hinuon sa pag gamit sa bisan unsa nga matang sa ilegal nga drugas ang tanang kawani niiini nga nagpasabot lang matod ni Leia Albiar, information officer sa PDEA 7, nga way tiggamitan sa ilegal nga drugas sa ilang buhatan.
“All 96 personnel who submitted themselves for drug testing at the PDEA 7 laboratory were found to be negative for use of dangerous drugs,” nagkanayon ang press release sa PDEA.
Giangkon ni Albiar nga human sa pamahayag ni President Duterte mihimo dayon silag imbestigasyon sa tanang nilang personnel aron masayran kun unsa ka tinuod nga mga drug addict ang taga PDEA 7.
Iyang giklaro nga sukad pa kaniadto sa wa pa gipangbalhin sa Region 6 ang ilang mga ahente ug gihulipan usab gikan sa maong rehiyon gi- pang drug test na usab nila kini nunot sa mandato sa balaod sa Repbulic Act 9165 kun Comprehensive Dangerous Drugs Act of 2002 ug kabahin sa ilang internal cleansing.
“Officers and members of the military, police and other law enforcement agencies shall undergo annual mandatory drug test,” pahibawo ni Albiar.
Nagpadayon hinuon ang imbestigasyon sa PDEA 7 labot na sa mga pamahayag ni Presidente Duterte.