Kahuot sa trapiko sa Sugbo
Ang kahuot sa trapiko sa Sugbo di lang kay sa syudad sa Sugbo. Sama sa usa ka sakit nilamay na kini ngadto sa mga syudad sa Mandaue, Lapu-Lapu ug Talisay. Niabot na kini sa lungsod sa Consolacion sa amihanang bahin ug hangtod sa Minglanilla sa habagtang bahin.
Nakabantay na ang mga opisyales sa lalawigan sa Sugbo niini. Maoy hinungdan nga nipasar ang Cebu Provincial Board og usa ka ordinansa nga mag-umol sa usa ka Inter-Agency Council for Traffic (IACT).
Si Cebu PB Member Edsel Galeos.Galeos, nga maoy nangamahan sa maong ordinansa, niingon nga ang IACT maoy mahimong advisory board ngadto ni Gobernador Junjun Davide bahin sa trapiko.
Ang mahimo sa maong ahensiya mao lang ang pag-streamline sa tanang mga lagda sa trapiko sa lalawigan. Apan di sila makahilabot sa syudad sa Sugbo kay dinhi ang magbuot ug ang matuman mao man si Mayor Tomas Osmena.
Apan tingali maayong ilakip sa IACT sa ilang programa bahin sa edukasyon ug pagbansay-bansay sa mga drayber. Sagad natong mahibaw-an nga may kalambigitan ang mga drayber sa kahuot sa trapiko kay modut-dot gyud bisag naghuot na.
Kasagaran man gud sa mga drayber nakat-on sa kinaugalingon nga pamaagi ug paningkamot. Kadto rang kursonada ang mahimong drayber. Apan di tanan nila nasayod sa mga lagda sa trapiko mao nang ingnon sa nakahibawo nga abusador.
Apan dunay maayong balita nga makatabang sa pagpaluag sa trapiko sa lalawigan sa Sugbo. Mao kini ang pagsugod na sa pagpatuman sa Department of Public Works and Highways in Central Visayas (DPWH-7) sa 74 ka kilometrong Metro Cebu Expressway gikan sa syudad sa Danao ngadto sa syudad sa Naga.
Si DPWH 7 Regional Director Ador Canlas niingon nga nagsugod na sila sa civil works sa maong proyekto
didto sa junction sa Naga-Ul- ing Road sa Barangay Pangdan sa Naga City niadtong buwan sa Hulyo.
Matod pa ni Canlas ang maong proyekto makapamenos og usa ka oras sa pagbiyahe gikan sa Danao ngadto sa Naga. Sa ato pa kon ang naandan nga gidugayon sa biyahe tulo ngadto sa upat ka oras, mahimo na lang kining duha ngadto sa tulo ka oras.
Sama sa usa ka sakit nilamay na kini ngadto sa mga syudad sa Mandaue, Lapu-Lapu ug Talisay.”