Mga balak gihalad sa ‘Bathalandong’
Ang Bathalan-ong Halad sa Dagang (BATHALAD) nisaulog sa 49th anniversary pinaagi sa paglusad sa “Bathalandong”, tipiganan sa mga napublikar nga sinuwat sa mga miyembro sa grupo, sa Palm Grass the Cebu Heritage Hotel niadtong Agusto 18.
Sa pagkakaron, duna kini koleksiyon nga 18 ka mga libro gikan sa mga tinahod nga Bisaya nga magsusuwat nga sila si Adonis Durado, Josua Cabrera, Myke Obenieta ug uban pa nga mahimong masaba ug mapalit sa hotel’s library restaurant Kapihan ni Lumaya. Atol sa paglusad sa Bathalandong ug pagsaulog sa anibersaryo sa Bathalad, ang founding
member ug kanhi presidente sa Bathalad nga si Ernesto Lariosa maoy nihatag sa pang-abli nga pakigpulong ug si Rolando Morallo, kanhi presidente, maoy nihatag sa pagyukbo sa mga ning taliwan nga sakop sa grupo.
Nibulok sa kinatibuk-ang kalihokan mao ang paghalad og mga balak o basa-balak nga gipangunahan sa tinahod nga Bisaya nga magsusuwat ug magbabalak Lamberto Ceballos, kasamtangang Bathalad
vice-president Jae Mari Magdadaro, kinsa mao usab ang tigpasayon sa programa
Si Karla Quimbo, presidente sa Bathalad Cebu, nihatag og pakigpulong ug nagpasalamat sa suporta sa mga miyembro ug Palm Gras Hotel nga nihatag og espasyo alang sa Bathalandong.
Gawas sa daghang halad nga balak, nibulok usab ang mananoy nga awit sa usa ka miyembro sa grupo. Ang
founder sa Bathalad mao si Dr. Melquiadito M. Allego, Jr., nagbase sa Amerka karon.