Mga benepisyo sa pagkaon og sambag

Maayo ang paghilis

Ang sambag dugay nang giisip nga natural nga laxative ug ang iyang dietary fiber content mao ang dakong rason niini. Ang pagkaon sa sambag isip prutas o lamas mopalambo sa maayong kahimtang sa imong digestive system ug maayo nga paglabay sa hugaw.

Manalipod alang sa kaayuhan sa kasingkasing Mga pagtuon nagpakita nga ang sambag epekto sa pagpaminos sa blood pressure ug cholesterol. Ang fiber content sa sambag maoy gituohang mopaminos sa cholesterol kay molimpyo kini sa LDL cholesterol gikan sa kaugatan. Ang potassium usab sa sambag maoy mopaubos sa blood pressure. Alang sa maayong

circulation

Ang sambag maayong tinubdan sa iron. Usa lang ka serving makahatag na og 105 sa inadlaw nga panginahanglan. Ang maayong sirkulasyon sa dugo sa tibuok lawas magseguro nga dunay igong oxygen alang sa maayong pag function sa organ.

Alang sa maayong pagtrabaho sa kaugatan Ang sambag dunay daghang vitamins nga B complex. Importante ang Thiamine alang sa maayong pagtrabaho sa muscles.

Pagaan sa timbang

Usa sa talagsaong compounds gikan sa extract sa sambag mao ang hydroxycitric acid (HCA). Ang HCA gilambigit sa pagpagaan sa timbang kay mopugong ang HCA sa paggawas sa enzyme nga mopagana sa kaon.

Mo-manage sa diabetes Uban sa pagpagaan sa timbang, mopugong usab ang sambag sa alpha-amylase, nga mopugong nga ang carbohydrates suyopon sa lawas. Mao nga di makasaka ang blood sugar. Mopalig-on sa immune system Daghan kini og vitamin C ug uban pang anti-oxidants nga mokombate sa free radicals nga makadaut sa lawas. Ang sambag mobatok usab sa kagaw.

Batok ulcer

Ang kanunay nga pagkaon og sambag mobatok sa ulcer. Ang extract gikan sa sambag dunay compound nga mopugong sa pagtumaw sa ulcer. Pugong sa katiguwangon Bisan wa pay klaro nga pagtuon labot sa pagpugong sa katiguwangon, ang sambag mobaliktad sa kadaut nga dala sa adlaw ngadto sa panit. Maayo usab kini nga exfoliator.