Local players ang problema sa TNT, dili import: Castro
Nagbahin sa sayong liderato ang Phoenix Fuel Masters ug Alaska Aces human nila gipanglampornas ang ilang tagsatagsa ka kontra niadtong Dominggo sa Philippine Basketball Association (PBA) Governor’s Cup sa Araneta Coliseum.
Ang Fuel Masters minglubong nga buhi sa NorthPort Batang Pier, 132-91, sa main game samtang gipangmakmak sa Aces ang nagkagidlay nga Talk N’ Text KaTropa, 125-96, sa premirong duwa.
Ang Fuel Masters ug Aces pareho nang nanggunit og 2-0 nga rekord.
Ang 41 puntos nga kadaugan sa Fuel Masters batok sa Batang Pier maoy labing dako nga ilang nahimo sukad masukad.
Sama sa premiro nilang duwa, ang Fuel Masters mingsandig na sab sa ilang impresibong import nga si Eugene Phelps, kinsa maoy nangulo sa ilang kadaugan pinaagi sa iyang 30 puntos ug 15 rebounds .
Sa premirong duwa sa Fuel masters diin ilaha sab gipangmakmak ang Columbian Dyip, si Phelps nagpakatap og 50 puntos.
“It’s nice to win two-in-a-row,” matod ni Phoenix coach Louie Alas sa interbyu sa PBA.PH.
“But I think our biggest test will be our next game against Alaska. Walang nang excuse yun kasi back-to-back din sila (Aces). Pagod din sila.”
Ang Batang Pier natagak sa 0-2 nga rekord samtang ang KaTropa nangahagbong sa 1-3 nga baraha.
Samtang subay niini, gipadayag ni Jayson Castro sa TNT nga mga local players ug dili ilang import ang rason sa sunodsunod nilang kapildihan.
Kini maoy gipasabot ni Castro human sa ilang laing ka- pildihan batok sa Alaska nga nagduot kanila ngadto sa 1-3 nga baraha.
“Kailangan yung mindset namin ibahin namin, kasi nasa players na hindi na sa coaches o kung sino man,” matod sa 32-anyos ug beteranong guard sa KaTropa nga napatik sa Spin.ph. “Kami yung naglalaro sa loob, so walang dapat sisihin kundi kami.”the players themselves.
“Nanalo kami without an import, and then may import, pero yung ener y naming parang ganun, dalawang games na sunod so siguro hindi na import yung locals na talaga, kami,” dugang niya. “Hindi na import yung problema namin.”Start of the ballgame pa lang, talagang hindi ko na ma-imagine.”