Magpale mokandidato sa pagka gobernador ubos sa HNP?
Human nigawas ang huhungihong labot sa giingong pagkapili ni Bise Gob. Agnes Magpale isip gubernatorial
candidate sa Hugpong ng Pagbabago (HNP) sa 2019
elections, naghangop ang opisyal ug ang founder sa partido nga si Davao City Mayor Sara Duterte.
Kini atol sa pagduaw ni Inday Sara sa Sugbo niadtong Huwebes, particular na sa siyudad sa Mandaue, atol usab sa Charter Day celebration sa maong dakbayan.
Apan giklaro ni Magpale nga wala sila maghisgot ug politika ug gani, igo ra silang gipailaila sa usag-usa, isip magparyente.
Si Kongresista Karlo Nograles, nga pag-umangkon usab ni Magpale maoy nagpaila-ila kanila.
Matod sa bise gobernador, si Mandaue Mayor Luigi Quisumbing ang niimbitar kaniya sa kalihukan ug dili gikan ni Sara ang lakang pagpa-adto kaniya sa venue.
Gitug-an hinuon ni Magpale nga niduaw sa Danao City si Gob. Imee Marcos, kinsa usa sa mga gituboy nga senatorial bet sa HNP.
Ang Danao City mao ang balwarte ni Magpale ug sa iyang partido nga Barug Alang sa Kauswagan ug Demokrasiya (BAKUD). “I’m here to greet the Mandauehanons. Nothing more.”
Sa nasayran, pipila ka higayon nang namahayag si Magpale nga dili na siya magpapili sa eleksiyon sunod tuig ug nga moretiro na gyud siya sa hingpit sa politika.
Kon matinuod nga kuhaon siya sa HNP isip standard bearer dinhi sa Sugbo, hayan nga posible niyang ikaatbang si incumbent Governor Hilario Davide III nga seguradong subling magpapili sa posisyon ug si Kongresista Gwendolyn Garcia, kinsa nga nipadayag usab nga mobalik sa pagpapili isip gobernador sa laalwigan sa Sugbo sa 2019 elections.
Hi, hello. We are relatives. Mao ra. No politics, no politics.” Vice Gov. Agnes Magpale.