Suporta gihapon

Dear Noy Kulas

Tawga lang ko og Jake, 34 years old. Kinamaguwangan ko sa among magsuon. Ako ang nagpahuman sa akong mga manghod kay way ikasarang among parents kaniadto. Working student ko kaniadto ug nakahuman sa kaluoy sa Ginuo in five years sa akong college ug nia na sa abroad nagbase.

Karon nakauyab ko og akong kauban diri sa abroad. Nagpuyo na mi actually aning bayahana nga single in more than a year. Nimabdos siya karon ug akong gipahibawo ang akong parents kay nagtuo kong malipay sila. But nasuko sila og maayo nganong gipamabdusan nako ang akong partner kay mag-unsa na kuno sila kon wa ko.

Matod sa akong parents nga ako ra ang ilang gisaligan kay ang akong mga manghod di kasaligan sa ilang paghatag kay usahay maayo og naa, usahay wala. Nihilak si Mama pagkahibawo niya nga mabdos ang akong live in ug magminyo mi.

Unsaon nako pag explain nga natural ra nga magminyo ko kay I want to have a family. Unya di kay until now akoa gihapon ang tanan? Wa ba diay koy katungod nga ma-happy? Please tambagi ko unsaon nako pagpasabot sa akong parents ug mga igsuon. Daghang salamat.

JAKE

Jake,

Common kaayo nga ang family members nga naa sa abroad maoy saligan sa mga nangahabilin diri. Hapit tanang panginahanglan adto na lang sa naa sa abroad ihanok ang tanan kay nagtuong gipamunit ang kwarta o sayon ang panguwarta.

Unaha sa pagpakigsulti ang imong mga igsuon kay kon buot huna-hunaon, silang tanan dunay utang kabubut-on nimo kay ikaw ang nigasto sa ilang pagtungha bisan sa imng kalisod kaniadto. Di mo baya sila responsibilidad, kon di sa inyo untang mga ginikanan, apan imo kining gisagubang isip kamaguwangan. Kamo ang pagsabot kon unsay inyong buhaton sa pagsuporta sa inyong parents, di kay sa imong tanan kini ihan-ok.

Yes, duna kay katungod nga magmiyo, mosugot man sila o di. Isaad kanila nga di ninyo sila pasagdang magsuon. Nga kamo naa kanunay sa ilang kiliran. But you must assert sa the eldest sa imong mga igsuon, ayaw ugoma ang tanan.