8 SIKOP SA DRUG DEN
SUYOPANAN SA CALL CENTER AGENTS
Moabot sa 24 ka mga tawo ang nangadakpan sa anti drug operation sa Philippine Drug Enforcement Agency 7 sa syudad sa Sugbo ug sa Dumaguete.
Samtang amahan ug anak nasikop usab sa buy bust operation sa kapulisan sa dakbayan sa Lapu-Lapu.
Alas 12:39 sa kaadlawon kagahapon dihang pito ka mga tawo ang naposasan sa PDEA 7 human nila rondaha ang usa ka drug den nga nahimutang sa Salinas Drive, Purok Santo Niño, Barangay Lahug sa syudad sa Sugbo kagahapon sa kaadlawon.
Apan ang gitumbok nga tag-iya sa drug den nga si Marites Romano daling nakasibat sa dihang padung na ang mga ahente sa PDEA 7.
Hinuon ang igsuon niini nga si Susan Romano nadakpan.
Sa pag suwat ning balita, nagpatabang sa usa ka barangay opisyal sa Lahug si Marites aron mo-surrender ngadto sa PDEA-7 nga way mahitabo kaniya.
Ang mga naatlan nga nagsuyop sa sulod sa drug den mao silang Mary Jane Romano, John Lester Sarsona, Edwin Romano Jr ug ang iyang amahan nga si Edwin Sr., Jonye Bayquilla ug Oliver Romano Jr.
Nakuha gikan kanila ang lima ka mga pakete sa gituohang shabu nga motimbang og 10 gramos nga gibana-bana nga mobalor ang tanan og P68,000.
Matod ni Leia Albiar, information officer sa PDEA 7, nga kapin sa usa ka semana nila
nga gipanid-an ang drug den sa Lahug sa dihang adunay mihatag kanila og impormasyon labot sa illegal nga kalihukan sa pamilyang Romano. “Naay nakahatag natog information labot sa pagpadagan anang drug den. Mao to nga gi surveillance sa atong tropa. After nag positive, giaplayan nato og search warrant sa korte,” dugang Albiar. DUMAGUETE
Pagka alas 9:30 gahapon sa buntag, usa ka drug den sa Zone 2, Barangay Looc, syudad sa Dumaguete ang gironda na usab nga mi resulta sa pagka sikop sa 17 ka personalidad apil na niini ang tag-iya sa drug den nga si Wilfreda Semetara.
Moabot ngadto sa 30 gramos nga gituohang shabu ang nasakmit nga gibana-bana nga mobalor ang tanan sa
P204,000. PAPA, ANAK
Amahan ug anak nasikop sa
buy-bust operation nga gipahigayon sa kapulisan niadtong Biyernes.
Giila ang mga dinakpan giila lang sa mga alyas nga “Lan”, 50, ug “Titing”,23, amahan ug anak ug parehong taga Barangay Basak, Lapu-Lapu City.
Nakuha ang duha ka mga pakete sa gituohang shabu nga gibana-banang may gibugaton nga tulo ka gramo ug gibana-banang nagkantidad og P35,400; P500 nga gituohang kita sa illegal nga kalihukan ug P500 nga buy-bust money.
Gibalhug sila sa Lapu-Lapu City Police Office (LCPO) holding cell samtang naghuwat sa tukmang kaso nga ipasaka. / dugang taho ni Ma. Devorah Taneo -USJR Intern