Sonny nagpakisayod kon suspensyon serbisyuhan
Gusto mahibaw-an ni Toledo City Mayor John Henry Osmeña kon mapugos ba siya sa Department of Interior and Local Government nga ipadayon ang pagserbisyo sa nahabiling upat ka buwan sa iyang usa ka tuig nga suspension sa grave abuse of authority nga gipahamtang sa Office of the Ombudsman sa miaging tuig.
Ang mga manlalaban ni Osmeña, sila si Rey Gealon ug Floro Casas, Jr. niduso og “very urgent motion” nga naghangyo sa Court of Appeals nga ipaklaro ang desisyon niini nga naglimpyo sa mayor sa kaso batok niini gumikan sa pagdumili niini paghatag sa bahin sa usa ka barangay sa real property tax niadtong 2017.
Gusto nila mapasabot sa CA kon ang pag-dismiss niini sa kaso nagpasabot nga mahimo nang makabalik sa katungdanan si Osmeña nga dili na kinahanglan moserbisyo sa upat ka buwan.
“It is respectfully submitted that a clarification on these matters is highly valuable as the continued enforcement of petitioner’s suspension from office will surely cause injustice and prejudice to herein,” tipik sa mosyon ni Osmeña.
Giduso ang petition human si DILG 7 officer-in-charge Maria Loisella Lucino nimando ni Osmeña nga tiwason ang nahabiling upat ka buwan sa iyang suspension nga motapos sa Septiyembre 14.
Kini bisan ang Court of Appeals nipakanaog og desisyon nga nag-dismiss sa administrative case sa grave of abuse of authority batok sa mayor niadtong Mayo 2018.
“Unless the penalty has been fully served, the Ombudsman decision remains to be implemented,” sumala sa kamandoan ni Lucino.
Ang Ombudsman nisuspenso ni Osmeña og usa ka tuig nga way bayad gumikan sa grave abuse of authority niadtong Agusto 2017.