2 KA TINUN-AN SA UC MI-TOP SA ME EXAMS

Nagdahom na gyud ang lumad sa isla sa Olango, dakbayan sa Lapu-Lapu nga si Redendo Abayan Apa Jr., nga malakip siya sa top 10 tungod kay kampante siya sa iyang kasinatian

bisan paman atong nagtungha pa siya.

Si Apa mao ang usa sa duha ka mga tinun-an sa tunghaan sa Sugbo nga lakip sa top 10 sa labing uwahi nga resulta Mechanical Board Exam.

Nakuha ni Apa ang top 8 place diin aduna siyay grado nga 91.25% samtang si Jack Longhay Paculanang mao ang top 10th placer, diin nakakuha siya og grado nga 91.15%.

Parehong mga tinun-an sa University of Cebu ang duha.

“Grabe akong nabati nga kalipay. Siguro tungod sa akong pagpaningkamot ug sakrispisyo isip usa ka estudyante. Dili jud lalim ang preparation ang akong gipangandaman ug pagsalig sa Ginuo ug sa akong kaugalingon. Nga makab-ot nako ang top,” si Apa nagkanayon.

Tungod kay magsige na og apilan si Apan og quizbowl contest niadtong nagtungha pa siya,

mao nga kampante kini ug pursigido nga malakip sa topnotcher.

“Actually nag expect na jud (ko) (be)cause kahibaw ko unsa ako capacity as a student ug unsa ko kadasig. “And i know naa koy

potential. Daghan na ko’g naapilan na quizbowl contest.”

Wala sa plano ni Apa nga mokuha sa kursong ME, apan dihang nagpa-enroll kini sa kolehiyo naengganyo siya nga mokuha sa maong kurso.

“Gipili nako ang ME kay sa katong nag paenroll pa ko, nakita nako nga daghan og topnotcher. So na motivate ko na ME ang pilion,” dugang niya.

Ang duha ra nga nigradwar sa tunghaan sa Sugbo ang nakasulod sa top 10. /