RP 5 NAMUNGOT
Gipahimungtan sa Team Pilipinas ang Syria, 109-55, sa miaging gabii aron langkaton ang ikalimang luna sa 18th Asian Games men’s basketball tournament sa GBK Istora sa Jakarta, Indonesia.
Sa katapusan niyang duwa una siya mobalik sa Cleveland Cavaliers training camp alang sa National Basketball Association (NBA), ang Fil-Am nga si Jordan Clarkson nagbangis ug nagpakatap kini’g 29 puntos aron pangulohan ang kadaugan.
Ang Fil-German forward sa San Miguel Beermen sa Philippine Basketball Association (PBA) nga si Christian Standhardinger nitampo og 27 puntos ug 15 rebounds alang sa kadaugan.
Ang Team Pilipinas, nga ming-aksyon og atras sa ilang partisipasyon, ninghuman sa ilang kampanya sa matag upat ka mga tuig nga kompetisyon dala ang 3-2 nga rekord.
Ang ikalimang puwesto maoy labing taas nga naangkon sa Pilipinas sa basketball event sa milabayng 16 ka mga tuig.
Nalabwan sa Team Pilipinas ang ikapitong puwesto nga naangkon sa Gilas Pilipinas squad niadtong 2014 sa Incheon, South Korea ug ang ikaunom nga luna nga nakuha sa orihinal nga puwersa sa Gilas Pilipinas niadtong 2010 sa Guangzhou, China.
Pagsugod pa lang sa duwa, ningsutoy dayon ang opensa sa Team Pilipinas aron pagposte og 13-0 nga labaw nga dali nilang giinat ngadto sa 26-7 nga bintaha sa 1st quarter.
Human
niini, wala na molingi pagbalik ang Team Pilipinas.
Ang mga sakop sa Team Pilipinas, gawas kang Clarkson, mopahuway lang og duha ka mga adlaw ug mosugod dayon kini’g ensayo alang sa kampanya sa Pilipinas sa Fiba Basketball World Cup Asian qualifiers nga ipahigayon sa tungatungang bahin ning buwana.
Sa laing bahin, si Clarkson nakadawat og mga pagdayeg gikan sa iyang mga kauban ug coaching staff bisan napakyas kini pag-agak sa Team Pilipinas aron makabira og medalya.
Gianugnan si national coach Yeng Guiao nga sayo nilang gikaharong ang duha nga nagpilde kanila sa torneyo nga mao ang South Korea ug China gumikan kay niadtong mga higayuna, wala pa naka-jell og insakto ni Clarkson ang iyang mga kauban.
“Too bad, he was just getting
better,” batbat ni Guiao sa interbyu sa ABS=CBN.
“Maganda pala ’yung laro niya, hindi na niya pinepwersa, kilala na niya ’yung mga players, ’yung teammates niya. It was just too bad. If we played China now or Korea today, maybe we could’ve played even better.”
Sa iyang pag-abot sa Indonesia, igo ra nga nagtan-aw si Clarkson kon giunsa pagmakmak sa Team Pilipinas ang Kazahkstan gumikan kay mao pa lang gyud ang iyang pagabot gikan sa Amerika.
Sulod lang sa pipila ka mga adlaw nga nakaapil si Clarkson sa praktis sa Team Pilipinas ug gikaharong dayon sa mga Pinoy ang China.
“I guess what he did and what he showed us, is proof enough that he is committed to representing the national team, he is as Filipino as anybody, his heart is Filipino, his commitment really showed in this tournament,” paghulagway ni Guiao kang Clarkson./