'BALBAL' SA SAN FERNANDO SUSIHON SA PULIS
Nabalaka ang pipila ka mga residente sa Barangay Poblacion, lungsod sa San Fernando, Sugbo human sa pagkamatay sa daghang mga hayop niadtong Dominggo sa buntag nga gituohang gibalbal sa ungo.
Nikatap sa social media ang hulagway sa mga manok igtatari nga nangamatay na ug adunay samad sa dughan
Apan bisan susihon kini sa kapulisan, giawhag ang publiko ni Cebu Provincial Directror Sr. Superintendent Manuel Abrugena sa di dayon pagtuo nga kini balbal. Giingong wa nay internal organs ang mga manok nga misamot sa ilang pagduda nga ungo ang naghimo.
Si Yen-yen ( tinuod ngan gipugngan tungod sa hangyo) nipahibawo sa Superbalita Cebu ug nikompirmar nga di lang manok ang nangamatay, lakip ang mga langgam nga buntog nga binuhi sa miaging buwan.
“Nagkaguliyang ang mga tawo sa barangay North Poblacion San Fernando sa dihang 15 ka hiniktang manok ang gituohang gibalbal,” matod ni Yen-yen.
Sa miaging buwan, adunay kanding usab ang napalgan nga patay na ug adunay samad sa tiyan nga gidudahan usab nga gibalbal sa ungo.
Tungod niini, si Abrugena nimando sa San Fernando police station sa pag-imbestigar.
Subayon unsay hinungdan sa pagkamatay sa mga hayop kon di ba hinimoan sa laing mananap, sama sa bitin o ilaga.
"We will coordinate doon sa mga lugar na may ganung mga insidente and then mag ko-compare tayo kung may similarities sa nangyari sa Naga at San Fernando,” matod ni Abrugena.