SHABU ‘GIKAWAT’ SA PULIS
'MIANGKON' NGA NANGUHA; GIPAIMBESTIGAR HUMAN SILA PULIHI
NAKIG-ATUBANG.
Sila si Talisay City Police chief Superintendent Marlu Conag (tuo) ug mga ginsakpan mi-courtesy call kang Mayor Eduardo Gullas (wala) usa ka adlaw human hulipi sa Police Regional Office (PRO) 7 ang tanang mga personnel sa Talisay City Police Station. Walo sa mga pulis nga gihulipan niangkon nga ilang gikuhaan ang mga shabu nga nasakmit ug gihimong ebidensya.
Giangkon sa walo ka mga pulis sa siyudad sa Talisay nga ilang gikuhaan ang shabu nga mga ebidensya nga nasakmit sa mga ronda sa Regional Mobile Force Battalion (RMFB) 7 nga gidestino sa Barangay Tanke.
Sa miaging buwan, ang Barangay Tanke gibutangan sa PRO 7 og 42 ka mga sakop sa RMFB taliwa sa naghitak nga illegal drugs.
Matod ni Police Regional Office (PRO) director, Chief Superintendent Debold Sinas, nga niadtong miaging buwan nga nilusad sila og subsob nga mga anti drug operation sa Barangay Tanke, daghang illegal drugs ang nasakmit.
Apan nangatingala na lang ang mga sakop sa RMFB 7 nga kuwang na ang mga ebidensya nga gihatag sa Talisay City police ngadto sa Crime Laboratory 7.
Nagduda na ang hepe sa Talisay nga si Superintendent Marlu Conag nga gikawat sa mga
ebidensya hinungdan nga iya kining gi report kang Sinas.
“Katong mga ebidensya didto pag turnover, gipangkuhaan. So, nagreklamo tong mga arresting officer ngano man gipangkuhaan. Tapos gi-confirm sa Crime Lab nga
ang giadto sa na lang. Asa ang Giangkon naman nila (walo ka pulis) sad,” matod ni Sinas sa mga tigbalita.
Gihimakak sa walo ka mga pulis nga ilang i-recycle ang ilang gikuhang mga ebidensya sanglit igo ra nilang gitagoan.
Tungod niini, mag-atubang og bug-at nga kaso ang walo ka mga pulis nga iyang gitug-an nga mga imbestigador sa maong police station, kinsa mahimong mataktak sa trabaho.
Nagduda si Sinas nga kanunay na kini nga gibuhat sa maong mga pulis ang pagkuha sa mga ebidensya.
from the original report, for example 15 sachets, Crime Lab 10 sachets the other five?
POSITIBO
Samtang positibo sa paggamit sa illegal nga drugas ang usa sa mga pulis sa syudad sa Talisay human sila gipaubos sa kinalit nga drug test sa wa pa sila parelibohi sa katungdanan tungod sa giingong kalambigitan sa illegal nga drugas.
Wa nganli ni Sinas kinsa ang pulis tungod kay kinahanglan pa nga ipaubos sa confirmatory test sa Camp Crame. Nagranggo og senior police
officer 2 ang nagpositibo sa paggamit og shabu, kinsa gipaimbargohan na usab niya sa armas.
Gawas sa siyudad sa Talisay, aduna pay laing police station ang namiligro nga marelibohan ang tanang personnel.
Wa motug-an si Sinas kon unsa nga police station sanglit ipa-validate pa.
Usa ka kasaligang tinubdan sa Superbalita Cebu mitug-an nga naa sa amihanang Sugbo nahimutang ang kandidatong police station.
“Yes we’re studying but I could not tell you yet kon unsa to. We are checking if they have the same problems because our focus is
Cebu City and Talisay. Then others
will follow na,” dugang ni Sinas. Wa siya mabalaka nga maapektohan ang gipanghawiran nga mga kaso sa mga pulis nga parelibohan aron maputol ang ilang mga binuang.
NABALAKA
Mga opisyal sa Talisay City nabalaka nga magpanagana na unya ang posibleng mga magpapatigayon sa pagbutang og negusyo sa siyudad kay pulos bag-o ang mga pulis.
Sila si Talisay City Mayor Eddie Gullas ug Vice Mayor Alan Bucao pulos niangkkon nga sila nangakugang sa kalit nga paghulip sa mga personnel.
Nagpaabot silang badlungon ra nga mga pulis ang hulipan.
“I had requested that those scalawags, per investigation, would be taken out as they will only serve as a liability. I didn’t expect that he (Sinas) would recall the entire force, including those whom I know are working hard,”
sulti ni Gullas sa mga reporter kagahapon.