KAMOT GIPUTOL, MIKAON OG SUSHI
Giputol ang kamot sa 71 anyos nga lalake dihang nisugod na kini og kadugta human nikaon siya og sushi.
Sa taho sa Metro News, nga ang lalake nga taga South Korea, nataptan og makamatay nga “flesh-eating bacteria” nga niresulta sa sakit nga itom nga kabahong nga mituo sa iyang panit 12 ka oras human siya mikaon og hilaw nga isda.
Migrabe ang impeksyon diin gikinahanglan nga putlon iyang kamot ug bukton mga 25 ka adlaw ang nakalabay.
Ang mga mananambal mipahubas sa mibutok sa kamot una midesider nga di na masalbar ang iyang kamot kay ang panit sa lalake misugod sa pagkalata.
Ang pensioner mibisita sa mga doktor sa Jeonju, South Korea, dihang nakasinati siya og grabe nga kasakit sa iyang kamot sud sa duha ka adlaw.
Ang iyang estorya gipublikar sa New England Journal of Medicine, dihang may mibutok sa iyang palad diin mitubo kini ngadto sa 3.5 ngadto sa 4.5 sentimetros nga daw sama kini sa gidak-on sa bola sa golf.
Ang ubang mga mibutok anaa sa luyog sa iyang kamot ug bukton.
Na-diagnosed sa mga doktor ang impeksyon nga gitawag og vibriosis nga resulta sa Vibrio vulnificus bacteria.
Adunay sakit nga type 2 diabetes ang lalake, may high
blood pressure, ug may sakit sa kidney hinungdan nga gipaubos siya sa diaylysis.
Bisan sa maayong gihimo sa mga doktor atol sa pag-opera sa iyang kamot ug gihatagan siyag antibiotics apan nisamot hinuon ang iyang kondisyon.
Ang kabahong sa iyang kamot niresulta og necrosis – kon namatay ang tisyu niini mikuyanap sa ubang bahin sa panit ug nihatag kini sa problema.
Ang mga tawo nga may sakit nga diabetes maoy risgo niini sa komplikasyobn sa pagkabahong sa panit kay ang ilang kondisyon di naman makatarong og agi ang dugo ug
nutrients busa dugay nga maayo ang samad ug di na maayo.
Midesider ang mga doktor nga putlon ang iyang wala nga kamot ug bukton aron mahunong ang pagkalata sa panit. /