Babaye nasagmuyo kay giisip nga law-ay iyang apelyido

Ang apelyido nga Weiner kumon ra kini busa dali ra kini nga magamit sa online ug way problema.

Apan ang babaye nga gihinganlan og Natalie Weiner sa taho sa Mirror News nipadayag nga gi-block siya sa paghimo online accounts nunot kay ang iyang pangalan gihulagway nga law-ay. Gipaambit ni Natalie ang screenshot sa Twitter sa iyang tinguha nga mohimo og account apan gibalibaran kini kay “offensive language discovered in the last name field”.Misuwat siya sa screenshot nga “this is without a doubt the best thing that has ever happened to me” ug gidugangan

niya nga “I am weeping”. Ang iyang post nakadawat og 21,000 nga likes ug misaka pa.

Nasuta niya nga di lang siya ang nakasugat niini nga problema. Nakadawat siya og daghang tubag gikan sa mga tawo nga ang ilang mga pangalan law ra kaayo alang sa internet.

Ang lalake gihinganlan og Philip Sporn naghisgot nga dihang anaa na siya sa online iyang usbon iyang ngalan ngadto sa Spron kay kon Sporn ang iyang gamiton giingong law-ay kini nga pangalan. Ang nagpailang si Ben Schmuch nipadayag nga mao usab kini ang iyang kanunay nga masinatian.

Adunay daghan usab ang nipaambit sa samang kasinatian ang mihupay sa iyang gibati.

Ang ubang mga website migamit og mga algorithm aron pugngan nga mabutang ang di sakto o mga law-ay nga hisgutanan nga mabutang sa ilang sistema apan sayop ning sitwasyon sa kang Weiner. /