Kahoy alang sa ugma

DAKOP. Ang pagdakop sa atong kapulisan sa Cebu City Police Office (CCPO) kang Glen Jacalan pinaagi sa search warrant nga gipirmahan ni RTC Judge Ramon Daomilas, Jr. nagpakita nga mahimo ra gyud diay nga subayon ang proseso sa pagpanakop sa mga tawo nga nagnegosyo og ilegal nga drugas ug malikayan ang patay.

Si Jacalan, nga taga Sitio Banica, Barangay Lahug, nasikop sa Drugs Enforcement Unit (DEU) sa CCPO nga dunay 13 ka sachet nga gituhoan nga shabu nga mobalor og P449,580. Atong pahilapayan ang kapulisan sa usa ka malamposon nga operasyon nga walay kinabuhi nga nakalas.

Sa gidaghanon sa shabu nga nakuha gikan ni Jacalan ug pusil nga way lisensya sobra pa sa igo nga ebidensya aron makumbikto sa kaso paghupot ug pamaligya sa ilegal nga drugas ingon man paghupot sa pusil nga way lisensya nga magtingkagol sa prisohan sa dakong panahon.

Usa ka dakong tanghaga nganong daghan gihapon ang ilegal nga drugas bisan pa sa makusganon nga kampanya ni Presidente Duterte batok niini ug daghan na usab ang nangamatay kay misukol sa operasyon sa kapulisan apan daghan lang gihapon ang namaligya sa ilegal nga drugas.

Sa akong pangagpas tungod sa kakuwang sa trabaho ug kakuwang sa kawlipiskasyon, ang tawo mosugal na lang nga magnegosyo sa illegal nga drugas bisan og nakataya ang ilang kinabuhi kay dali nga makasapi.

Ang laing nga pangutana, asa naggikan ang morag walay pagkahurot nga shabu?

KAHOY. Sa panahon karon nga dali ra mobaha bisan gamay ra nga ulan tungod sa daghan mga hinungdan ug ang usa niini mao ang kakuwang na sa mga kahoy sa atong kabukiran tungod sa pagkaingin ug sobra nga pag-logging kaniadto. Usa sa mga solusyon nga mapugngan ang baha atol sa ting-uwan o di ba bagyo mao ang pagpananom og kahoy karon.

Usa sa mga proyekto sa Rotary International nga gipatuman sa Rotary Club Cebu South (RCCS) mao ang pagpananom og kahoy agi og pagtabang sa atong kagamhanan ug sa komunidad ingon man sa pagprotehir sa atong kalikasan.

Niadtong Dominggo, ang mga opisyales ug sakop sa RCCS nga gipangulohan ni presidente Aaron V. Recla nananom og kahoy nga Tugas sa yuta duol sa sapa sa Barangay Cantabaco, Toledo city. Si Cantabaco Brgy. Capt. Bernardo B. Villarin, usa ka retirado nga pulis, ug iyang asawa nga si Rose, nga konsehal usab sa Cantabaco, ang mihatag og luna nga matamnan sa mga kahoy.

Dul-an sa usa ka gatos nga kahoy nga tugas ang gitanom sa mga opisayales ug sakop sa RCCS niadtong Dominggo sa ilang usa ka adlaw nga kalihokan. Dakong panghinaut ang giluwatan ni Kapitan Villarin nga ang mga kahoy nga gitanom doul sa sapa sa Cantabaco kon modako na ni makatabang ug makapugong na unya sa baha.

Mapasalamaton usab ang mga opisyales sa RCCS sa mag-asawa nga si Kap. Bernardo ug Rose Villarin sa pagsuporta sa proyekto sa Rotary.

Imagine nagdakop sa Tanke tapos wala ninyo gi-declare tanan ang ebidensya! Kagagohan na! And it only proves nga naa tay problema.”

- Chief Supt. Debold Sinas, PRO-7 Director

Isa po ito sa pinagbatayan natin and at the same time yung pong persistent report na atin pong natatanggap coming from our intelligence unit na talaga pong may mga personnel sa Talisay na involve pa rin or indirectly involve sa illegal drug activities.”

- CPPO Director Sr. Supt. Manuel Albrugena