Manghod kaayo
Dear Noy Kulas,
Maayong adlaw kanimo. Just call me Taurus, 36, single mother ug dunay usa ka anak. Ang akong problema mahitungod sa akong lovelife. Naay nanguyab nako nga 23 years old nga akong kauban sa trabaho. Bag-o pa ni siya nga nagwork uban namo. Nagkasuod mi kay pirme mi magkauban sa mga laag ug uban pa.
Maayo ug buotan siya, pero nakabantay ko nga bisan friends pa mi, medyo seloso na siya. Magpangutana siya kon asa ko ug kinsa ang akong kuyog kon di siya makauban nako. Pirme ko niya bangkahan ug pamalitan og apil ang akong anak.
Nanghangyo siya nga kon ako siyang sugton, magminyo dayon mi bisan civil wedding lang kay love kuno kaayo ko niya. Makita sa iyang actions nga tinuod ang iyang gisulti. Pero worried ko sa among age gap ug sa signs sa iyang batasan sa pag-handle og relationship. Other than that, walay problema.
Unsa kaha, Noy, ako siyang sugton? Di kaha ko maproblema later, especially sa iyang family nga di pa nako kaila?
TAURUS Taurus,
Kasagaran ra ba aning dagko og age gap dunay problema later sa relasyon. Anha mosulod ang selos ug uban pang mga problema sa pagadjust sa personalidad tungod sa kataas sa gintang sa edad. Matod sa mga relationship expert, ang ideal nga age gap is 5 years. That is general. But wa magpasabot nga di na mo workout ang tag-as og age gap. Depende kini sa partners kon willing sila nga mo workout ini.
Sa imong description parte sa iyaha maorag di maayo nga tilimad-on kay posibleng seloso kaayo siya. Basin control freak siya ug ma suffocate ka na hinuon sa sulod sa relasyon kon imo siyang sugton. Kon magkarelasyon man mo, mas maayong sa di pa nimo siya sugton, mo set ka og certain conditions like kinahanglan siyang mo trust nimo, di magsusi kon asa ka ug kanang morespeto sa unsay imong life. Sa ingon ana nga arrangement, magmatngon siya. Kon sa imong tanaw di na maayo ang dagan, imong putlon ang relasyon. Ipahibawo kini kaniya.
Imo na ang desisyon sugton ba nimo siya o di. Basta imong ikonsiderar ang inyong age gap kay daku ni og impact sa inyong relasyon.
NOY KULAS