Reyes hingpit nga hulipan ni Guiao?
Posible nga mahimo nang permanente ang trabaho ni Yeng Guiao isip head coach sa Gilas Pilipinas, matod ni Samahang Basketbol ng Pilipinas (SBP) chairman emeritus Manny Pangilinan.
Si Guiao maoy responsible sa dinaliang pagporma og national team nga gipangulohan nila ni Cleveland Cavaliers FilAm guard Jordan Clarkson ug San Miguel Beermen Fil-German forward Christian Standhardinger nga ningkombati sa bag-uhay lang nahuman nga 18th Asian Games sa Jakarta, Indonesia.
Ang puwersa nga giporma ni Guiao, nga diriyot nakabuntog sa ningkampiyon nga China squad, nahiluna sa ikalimang dapit nga maoy labing taas nga naabot sa Philippine basketball sa milabayng 16 ka mga tuig.
Sa orihinal nga kasabutan, temporaryo ra unta ang pagpuli ni Guiao kang Chot Reyes gumikan sa usa ka duwa nga suspensyon nga nadawat ni Reyes sa iyang pagkahilambigit sa karambola sa duwa sa Gilas Pilipinas ug Australia Boomers niadtong Hulyo.
Apan nakadayeg si Panteur
gilinan kon giunsa paggiya ni Guiao ang Team Pilipinas taliwala sa kamatuoran nga sulod lang sa duha ka mga semana kini niyang gidala. “Actually, I must say that Coach Yeng was a revelation,”
matod ni Pangilinan sa interbyu sa Spin.ph.
“It was a Jekyll and Hyde transformation eh. How we managed to bring the team together. From different personalitites, different teams and how Jordan Clarkson also blended with the team.” Gipasabot ni Pangilinan nga nakigsulti na siya kang Reyes kabahin sa iyang plano alang sa kampanya sa Gilas Pilipinas sa ikaupat nga tipik sa FIBA World Cup Asian qualifiers nga ipahigayon ning buwana./