TANGTANGAN OG POLICE POWERS SI TOMAS?

Posibling matangtangan sa iyang police powers si Mayor Tomas Osmeña sa syudad sa Sugbo kun mamatud-an nga sad-an sa iyang pagpanghilabot sa police operation sa Parian police station nga mipagawas sa tulo ka dinakpan matod sa National Police Commission.

Nasayod na ang National Police Commission (Napolcom) sa kaso nga gipasaka sa Cebu City Police Office batok kang Osmeña nunot sa pagbuhi sa tulo ka mga dinakpan sa Parian police station human maaktohi nga namaligyag butane canister nga gitubilan og LPG.

Matod ni Napolcom Vice Chairman ug Executive Officer Rogelio Casurao nga mahimong kini ang basehan unya sa pagtangtang sa ga-

hom ni Mayor Osmeña sa pag- supervise sa kapulisan sa siyudad sa Sugbo.

Apan iyang giklaro nga kinahanglan nga adunay ebidensya ug suportado sa validation nga ang mayor miabusar sa iyang gahom isip local chief executive nga sapagkakaron wa pa matuki sa Napolcom.

“Of course, that is adverse report. But again naa tay proseso on how to go about this. It takes a lot of validation and our law enforcement agencies are exactly doing this because we don’t want to be biased. We don’t want to preempt anything that is not supported by actual validated evidence,” matod ni Casurao. Daghan ang mga pamaagi nga ang usa ka mayor mamahimong matangtangan sa iyang police powers kun kini nagpabaya sa iyang suporta sa kapulisan nga maoy hinungdan nga misaka ang crime volume sa usa ka lugar.

Nakadayeg hinuon ang Napolcom official atol sa 24 ka tuig nga kasumaran sa National Crime Prevention Week sa Police Regional Office (PRO) 7 diin siya ang pinasudunggang dinapit nga miubos ang crime volume sa tibuok rehiyon.

Matod niya nga tungod sa war on drugs ang ubang krimen mius-us bisan pa man nga misaka ang kaso sa patay sukad milingkod sa katungdanan si Presidente Rodrigo Duterte.

Ang PRO 7 nabutang sa top 10 sa tanang rehiyon sa tibuok nasud nga adunay ubos ang

crime volume ug daghang nadakpan nga mga nalambigit sa illegal nga drugas karong tuiga.