Lalake nga walay ilong gipangita sa kapulisan

Lalake nga way ilong ang gibugalbugal sa online human ang kapulisan mipagawas og binuang nga hulagway nunot sa bayolinte nga pagpanulis.

Sa taho sa Metro News, nagtumbok nga ang Western Australia Police mipaambit og hulagway sa social media aron tabangan sila nga masikop ang way ilong nga suspek apan ang ilang naani ang mga bugalbugal nga mga komentaryo.

Ang kapulisan napakyas sa pagpasabot kon nganong ang lalake way ilong samtang ang ubang mga matinabangon nga mga tawo nisugyot sa online nga ang naasoyng lalake biktima sa “extreme

game” nga “got your nose”.

Daghan kaayo nga mga komentaryo sa online apan daghan usab niini mga binuang batok sa naasoyng lalake.

Ang tigpamaba sa kapulisan wa motubag sa mga komentaryo ning mga tawhan.

Apan, nagkanayon nga gisentro nila ang pag-ila sa duha ka mga lalake nga nalambigit sa pagpanulis.

Ang mga detective sa Perth namahayag nga usa ka 17 anyos nga lalake ang naglakaw sa lugar sa Dianella mga alas singko sa hapon dihang ang suspek ug iyang kauban mitulis kaniya.

Ang unang suspek gihulagway nga itom ang pamanit, anaa sa pangedaro nga 20, mga lima ka tiil ug walo ka pulgada ang gitas-on, daut ang panglawas, mubo ang buhok ug Australian accent kon manulti.

Niadtong higayona sa giingong

pagpanulis nagsul-ob kini og dark blue nga t-shirt,

tracksuit nga karsone nga

may puti stripe.

Ang ikaduhang suspek gihulagway nga itom ang pamanit, lalake, anaa sa edad nga 20 ngadto sa 30 diin kasarangan ra ang lawas, mubo nga Afro ang style sa hubo ug Australian accent usab. Nagsul-ob siya og itom nga

t-shirt, basketball shorts ug sandal diin nagsakay og itom nga BMX nga bisiklita atol sa insidente. /