UTOK SA PAGPATAY SA BUS DRIVER GIILA

Nagpadayon ang manhunt operation sa kapulisan sa Mabolo Police Station batok sa usa sa mga suspek sa pagpusil-patay sa drayber sa Natalie Tourist Bus sa 6th Sreet barangay Apas sa siyudad sa Sugbo niadtong Lunes sa hapon atubangan mismo sa iyang 4-anyos nga anak ug live-in-partner.

Ang biktima giila nga si Eliseo Devellires, 34, taga sitio Santo Niño Barangay Lower Casili, lungsod sa Consolacion, Sugbo.

Matod sa kapuyo sa biktima nga si Lorena Zamora, 29, nga gikan sila nga nagkobra sa suweldo ni Devellires sa opisina sa Natalie Tours ug nihapit pa sila sa lotohan.

Human makapalit midiretso na unta sila sa balay sa tag-iya sa Natalie Tours aron motambong sa birthday apan kalit lang nga naabot ang duha ka lalake nga nagmotorsiklo.

Ang angkas sa motorsiklo maoy nipusil sa biktima makaduha ka higayon nga niadtong tungora nagsunod ang iyang 4 anyos nga anak lalake.

Dali nga misakay ang suspek sa blue nga XRM nga motorsiklo nga nagpaabot sa unahan diin ang drayber niini nailhan sa kapuyo nga kanhi kauban sa trabaho sa biktima.

“Gikan man mi nagkobra sa sweldo nya nihapit sa mi'g lotohan pagka human moadto mi sa balay sa iyang amo kay

birthday man niya, pag-abot namo diha sa eskina gipusil na dayon siya, nakita gyud namo sa among anak,” matod ni Zamora.

Sa wala pa ang pagpamusil, iyang nakit-an ang kanhi kauban sa trabaho ni Devellires sa SMB Tours nga nag-estambay sa eskina sa 6th street nga adunay gikaistorya nga tawo.

Mao usab ni ang nakita sa kapuyo nga gisakyan sa gun man human gipusil ang biktima.

Samtang laing motorsiklo nga unang gisakyan sa gun

man nga iyang gihulagway sa kapuyo nga DT Yamaha.

Aduna nay hulga sa kinabuhi ang biktima sa dihang nihawa ang biktima sa iyang unang gitrabahoan.

Nagmanhunt pa mi karon kay sa among information naa ra daw ni sa Kamagong ning suspek, amoang gitan-aw ang CCTV camera mihaom man ni sa suspek sa giingon sa live-inpartner,”

SPO3 Jeffrey Larobis