‘OMPONG’ NAGHULGA
SUGBO DILI SENTRO, APEKTADO SA ‘SUPER TYPHOON’
Dili moigo sa Sugbo ang bagyong “Ompong” apan kini makapakusog sa habagat hinungdan sa dagkong bawod, hangin ug kusog nga uwan.
Mao kini hinungdan nga red alert ang mga lokal nga Disaster Risk Reduction and Management Council (NDRRMC) sa gibanabana nga pagsulod ni Ompong sa Philippine Area of Responbility (PAR) karong hapon sa amihanang Luzon.
Si Engr. Oscar Tabada sa Pagasa Visayas, nahinabi sa TV Patrol Central Visayas kagahapon, niingon nga lapad nga sakupan sa bagyo nga gibanabana nga 700 kilometros ang radius o tuyok.
Dugang ni Tabada, gibanabana nga moabot og 180 kph ang gikusgon ni Ompong sa pagsulod sa PAR.
Dason niya, dili kini makalabaw sa bagyong Yolanda nga ang radius niabot og kapin sa 1,000 ang radius busa niabot sa Mindanao ug gikusgon niini nga niabot og 300 kilometros matag oras.
Ang Coast Cebu Station nagkanayon nga walay mga barko nga gidid-an sa pagbiya sa puwerto sa Sugbo apan dili makaseugo karong hapon tungod unya sa epekto ni Ompong.
NDRCC
Ang National Disaster Risk Reduction and Management Council (NDRRMC) nimando sa 24/7 nga operations sa alert teams tungod sa nag-unangong nga kalamidad.
Si NDRRMC spokesperson Edgar Posadas niingon nga ang DSWD uban sa local government units (LGUs) ug local disaster risk reduction and management offices, nangandam na sa pagkaon ug ubang hinabang sa emerhensya.
Kagahapon sa buntag, si Mangkhut (international codename) dunay maximum
winds nga 160 kilometers per hour ug huros nga 195 kilometers per hour. Posible nga moabot og 220 kilometers per hour sa pagsulod sa PAR.
CEBU PROVINCE
Bisan ug dili mo-igo sa Sugbo si Ompong, wala gisalikway sa PDRRMO ang posibleng pag-usab niini direksiyon.
Gitumbok sa PDRRMO nga naalerto na ang tanang local DRRM offices ug gibutang ang mga heavy equipment nga makatabang sa posibleng clearing operation.
Gitug-an ni PDRRMO Head Baltazar Tribunalo nga nagtele conference siya ug ang mga tinugyanan sa Pagasa Mactan niadtong Lunes.
Gipadayag sa PDRRMO nga kinahanglang mangandam ug dili mokompiyansa ang mga Sugbuanon, ilabi na kay siguradong magdala gihapon kini ug hangin ug mga pag-ulan dinhi sa Sugbo.
MANDAUE CITY
Mga ahensya sa gobyerno sa dakbayan sa Mandaue nunot na ang pagpangandam sa umaabot nga bagyo nga mosulod sa Pilipinas nga posibleng magdala og uwan nga moresulta sa grabeng baha sa ubang lugar sa dakbayan.
Si Mandaue City Mayor Luigi Quisumbing nagkanayon nga kun makadawat ang kagamhanan sa Mandaue og Severe Weather Bulletin aduna na silay mga pagpangandam sa mga buhaton sama sa City Engineers Office ug ang Department of General Services (DGS) maghigayon og drainage flushing ug vaccuming sa mga flood prone areas sa dakbayan.
“Thankfully, over the last two years we have seen a drastic reduction sa atong mga flooded areas diri sa dakbayan sa Mandaue but even then we want to make sure nga we are prepared for the worst anytime,” matod ni Quisumbing.
CEBU CITY
Si Cebu City Disaster Risk Reduction Management Office (CCDRRMO) Chief Nagiel Bañacia niingon nga alerto na usab human nadawat og advisory bahin sa bagyo.
“It is expected to bring rains and the secondary effect of that will be flooding and landslides,” matod ni Bañacia. Matod niya, ang barangay magsilbing first responders sa emerhensiya.
Kagahapon, nihatag siya og pasidaan sa mga lumolupyo sa mga dapit nga risgo sa baha.