NAKIG-SEX BISAN WAY KINATAWO
Gibilanggo ang usa ka “transgender” nga lalake apan wa pa makompleto ang iyang operasyon dihang nakig-sex siya sa duha ka mga babaye nga wa mahibaw-i nga butang ang iyang gigamit ug di ang iyang kinatawo.
Sa taho sa Metro News, nagtumbok kang Carlos Delacruz, 35, nga migamit sa duha ka babaye nga nagpatuo nga nakig-sex kanila diin migamit og “prosthetic penis”.
Apan, ang mga babaye nagantos sa grabeng kasakit diin wa masayod kon unsay gigamit ni Delacruz aron paghilawas kanila.
Gireklamo ngadto sa kapulisan si Delacruz ug gidakop siya apan wa siya mohatag og pamahayag atol sa pakighinabi kaniya.
Atol sa medical examination dihang gipriso siya nasuta nga wa siyay kinatawo.
Nabilanggo na siya karon sud sa tulo ka tuig ug gihatagan sa lima ka tuig nga non-harassment batok sa mga babaye unya narehistro na siya isip “sex offenders”.
Ang iyang abogado nga si Cameron Tait nibutyag nga natawo si Delacruz nga babaye didto sa Madrid niadtong 1983 ug nibalhin og puyo sa Scotland niadtong 2010.
Giilisan niyag Carlos ang iyang pangalan dihang nagedad siyag 16 ug nag-usab sa iyang porma isip usa ka lalake dihang otso ang iyang edad.
Si Delacruz opisyal nang giila nga lalake sa iyang birth certificate, passport ug Spanish ID card.
Apan, wa pa siya mapaubos sa hingpit nga mahimong usa ka lalake.
Matod ni Tait nga si Delacruz migamit og prosthetic nga kinatawo atol sa pakighilawas ug gikonsiderar niyang parte na kini sa iyang lawas.
Ang kapulisan sa Sterling, nipahibawo nga si Delacruz nakahimog “physical and psychological harm” sa duha ka babaye pinaagi sa balikbalik nilag sex gamit ang di tinuod nga kinatawo sud sa taas nilang relasyon.
Nisaysay ang kapulisan nga ang unang biktima gipatuo nga iyaha kining sayop nga wa sayop momabdos kang Delacruz ug nga karon nag-antos siya sa kahadlok nunot sa mga insidente.
Midugang ang kapulisan sa Sterling, kinsa mibasa sa pamahayag sa biktima, nga ang babaye nihulagway nga hugaw ug naggamit na siya unya gipugos siya sa pagpapahawa sa balay aron mahanaw na siya kaniya.
Ang ikaduhang biktima nibutyag nga nagdugo iyang kinatawo pipila ka adlaw human sila naghilawas ni Delacruz mga 10 ka higayon sud sa walo ka buwan ug ning higayona naglisod sya sa pagkatulog ug kaon.
Ang korte nagpahibawo nga si Delacruz nagbinuang sa mga babaye human misud siya sa taas nga relasyon kanila pinaagi sa paggamit prosthetic nga kinatawo nga gigamit sa pakighilawas kanila.
Nituo ang duha ka mga babaye nga si Delacruz adunay tinuod nga kinatawo ug nagdumili kini sa pagpakita niini samtang naghubo sila unya kon maghilawas sila kanunay nga ngitngit kini.
Si Fiscal Kirsten Cockburn nihisgot sa korte nga si Delacruz may relasyon sa duha sa ka babaye sa managlahi nga panahon nga anaa sa tunga-tunga sa Mayo 27, 2013 ug Mayo 14 sa milabayng tuig.